Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Pukwana ya Seboka sa Bophelo le Bodiredi bja Bokriste  |  June 2017

 MAHUMO AO A LEGO KA LENTŠUNG LA MODIMO | JEREMIA 51-52

Lentšu la Jehofa le Phethagala ka Botlalo

Lentšu la Jehofa le Phethagala ka Botlalo

Jehofa o be a boletše ka go lebanya dilo tšeo di bego di tla direga

Mmetši wa mesebe wa go hlapetša mošate wa Baperesia

“Phadimišang mesebe”

51:11, 28

  • Bamede le Baperesia e be e le babetši ba mesebe bao ba nago le bokgoni gomme ba be ba diriša mesebe e le sebetša sa bona se segolo. Ba be ba phadimiša mesebe ya bona gore e tsenelele ge ba betša selo se itšego

“Bagale ba Babilona ba kgaoditše go lwa”

51:30

  • Pego ya Nabonidus e re: “Madira a Korese a ile a tsena Babilona ntle le go lwa.” Se se dumelelana le boporofeta bja Jeremia

Leswika leo go ngwadilwego Pego ya Nabonidus

“Babilona e tla ba mokgobo wa maswika [gomme ya ba] lešope go iša mehleng ya neng le neng”

51:37, 62

  • Go thoma ka 539 B.C.E., botumo bja Babilona bo ile bja thoma go fokotšega. Alexander yo Mogolo o be a nyaka gore Babilona e be motsemošate wa gagwe, eupša a hwa go sa letelwa. Lekgolong la pele mengwaga, go be go sa na le Bajuda ba bangwe Babilona, ke ka baka leo moapostola Petro a ilego a nyaka go etela moo. Eupša lekgolong la bone la mengwaga C.E., motse woo e be e šetše e le lešope, gomme mafelelong o ile wa hwelela

Go phethagala ga boporofeta bja Beibele go swanetše go nkgoma bjang?

 

Ke’ng seo nka se rutago ba bangwe mabapi le boporofeta bjo?