Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Pukwana ya Seboka sa Bophelo le Bodiredi bja Bokriste  |  January 2016

 BOPHELO BJA BOKRISTE

Tokelo ya Rena ya go Aga le go Hlokomela Mafelo a Borapedi bja Therešo

Tokelo ya Rena ya go Aga le go Hlokomela Mafelo a Borapedi bja Therešo

Go aga tempele ya Isiraele e be e le mošomo o mogolo e bile go nyaka tšhelete e ntši. Lega go le bjalo, Baisiraele ba ile ba thekga mošomo woo ka phišego. (1Kr 29:2-9; 2Kr 6:7, 8) Ka morago ga gore tempele e fele, mošomo wo o bego o dirwa ke Baisiraele o be o bontšha ge e ba e le batho ba moya goba go se bjalo. (2Dik 22:3-6; 2Kr 28:24; 29:3) Lehono, Bakriste ba diriša nako e ntši le matla, go hlwekišeng le go hlokomeleng Diholo tša Mmušo le Diholo tša Dikopano. Lega go le bjalo, go šoma gotee le Jehofa ka tsela ye ke tokelo e kgolo e bile ke karolo ya tirelo ya rena e kgethwa.—Ps 127:1; Kut 7:15.

RE KA TŠEA KAROLO KA . . .

  • Go bea dilo madulong a tšona ka morago ga seboka se sengwe le se sengwe. Ge e ba maemo a sa go dumelele, gona topa matlakala ao a lego kgauswi le mo o dutšego.

  • Go ba gona ka mehla ge go hlwekišwa le go lokišwa Holo ya Mmušo. Ge batho e le ba bantši mošomo o tšhaba diatla.—lv 92-93 ¶18.

  • Go thekga ka tša ditšhelete. Gaešita le moneelo wa “ditšheletiana tša tšhipi tše pedi tša theko e nyenyane kudu” tšeo di neelwago go tšwa pelong di thabiša Jehofa.—Mar 12:41-44.

  • Go ithaopela go thuša go aga le go tsošološa meago ya pušo ya Modimo ge e ba maemo a go dumelela. Ga se gore o swanetše go ba le bokgoni bja go aga gore o tšee karolo go ageng.