Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Pukwana ya Seboka sa Bophelo le Bodiredi bja Bokriste  |  January 2016

 BOPHELO BJA BOKRISTE

Go Kaonefatša Bokgoni bja Rena Bodireding—Go Thea Motheo wa go Dira Leeto la go Boela

Go Kaonefatša Bokgoni bja Rena Bodireding—Go Thea Motheo wa go Dira Leeto la go Boela

LEBAKA LEO GO LEGO BOHLOKWA:

Re nyaka go nošetša dipeu tša therešo tšeo re di bjalago. (1Ko. 3:6) Ge re hwetša motho yo a thabelago, ke mo gobotse gore re mmotšiše potšišo yeo re tlago go e ahlaahla ge re boela. Se se tla dira gore mong wa ntlo a fagahlele ketelo e latelago gomme se se tla dira gore go be bonolo go lokišetša leeto la go boela. Ge re boela, re ka hlalosa gore re tlo araba potšišo yeo re mmotšišitšego yona ketelong e fetilego ge re be re mo etetše.

KAMOO O KA DIRAGO SE:

  • Ge o lokišetša thero ya ntlo le ntlo, lokišetša le potšišo yeo e tlago go arabja ketelong e latelago. E ka thewa kgatišong yeo o e sepedišago. Goba e ka ba potšišo yeo e arabjago dikgatišong tša rena tša go swara thuto ya Beibele tšeo o naganago go mmontšha tšona ge o boela.

  • Ge o phetha poledišano le motho yo a thabelago, mmotše gore o ka rata go boledišana le yena gape gomme o mmotšiše potšišo yeo o e lokišeditšego. Ge e ba go kgonega, mmotšiše kamoo o ka ikgokaganyago le yena.

  • Ge e ba o mmotša gore o tla boa ka nako e itšego, o dire bjalo.—Mat 5:37.