Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Pukwana ya Seboka sa Bophelo le Bodiredi bja Bokriste  |  February 2018

 MAHUMO AO A LEGO KA LENTŠUNG LA MODIMO | MATEO 18-19

Hlokomela Gore o se ke wa Kgopiša ba Bangwe Goba wa Kgopša

Hlokomela Gore o se ke wa Kgopiša ba Bangwe Goba wa Kgopša

Jesu o ile a diriša diswantšho go re ruta gore go kgopša goba go kgopiša ba bangwe ke taba e kgolo.

18:6, 7

  • “Kgopišo” e šupa go boemo goba selo se motho a se dirago seo se ka dirago gore a itshware gampe goba a feleletše a dirile sebe

  • Motho yo a kgopišago ba bangwe go kaone ge molaleng wa gagwe go ka be go tlemeletšwe lwala la go swana le leo le dikološwago ke pokolo gomme a nwelela ka lewatleng

Lwala

18:8, 9

  • Jesu o ile a eletša balatedi ba gagwe gore ba tloše gaešita le ditho tše bohlokwa go swana le letsogo goba leihlo, ge e ba di dira gore ba kgopše

  • Go ka ba kaone kudu gore o lahlegelwe ke selo seo o se ratago gomme o tsene Mmušong wa Modimo go e na le go hlwa o se kgomaretše ke moka mafelelong wa ya Gehenna, yeo e swantšhetšago phedišo ya sa ruri

Ke’ng seo e lego kgopišo bophelong bja ka, le gona nka dira’ng gore ke se ke ka kgopša goba ka kgopiša ba bangwe?