Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Pukwana ya Seboka sa Bophelo le Bodiredi bja Bokriste  |  February 2018

 MAHUMO AO A LEGO KA LENTŠUNG LA MODIMO | MATEO 14-15

Go Fepa ba Bantši go Dirišwa ba Sego Kae

Go Fepa ba Bantši go Dirišwa ba Sego Kae

Pejana ga Paseka ya 32 C.E., Jesu o ile a dira mohlolo woo e lego wona feela wo o begilwego ka Diebangeding ka moka tše nne.

Ka go dira mohlolo wo, Jesu o dirišitše mokgwa woo a sa o dirišago le lehono.

14:16-21

  • Jesu o ile a laela barutiwa ba gagwe gore ba fepe mašaba a batho, le ge ba be ba na le dinkgwa tše hlano le dihlapi tše pedi feela

  • Jesu o ile a tšea dinkgwa tšeo le dihlapi gomme a rapela, ka morago ga moo a di nea barutiwa ba gagwe gomme bona ba di nea mašaba

  • Ka mohlolo, batho ka moka ba ile ba ja, ba khora gomme gwa ba le tše di šalago. Jesu o ile a fepa batho ba bantši a diriša barutiwa ba gagwe ba sego kae feela

  • Jesu o ile a bolela gore mehleng ye ya bofelo o be a tla kgetha mokgwa wo a bego a tla o diriša go re nea “dijo tša [moya] ka nako e swanetšego.”—Mat 24:45

  • Ka 1919, Jesu o ile a kgetha “mohlanka yo a botegago le wa temogo,” e lego sehlopha se senyenyane sa bana babo rena bao ba tloditšwego, gore a hlokomele “ba ntlo ya gagwe,” e lego bao ba newago dijo

  • Ka go diriša sehlopha se se senyenyane sa bana babo rena bao ba tloditšwego, Jesu o diriša mokgwa wo a ilego a o diriša lekgolong la pele la mengwaga

Nka bontšha bjang gore ke tseba mokgwa wo Jesu a o dirišago go re nea dijo tša moya e bile ke a o hlompha?