Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Pukwana ya Seboka sa Bophelo le Bodiredi bja Bokriste  |  February 2017

 BOPHELO BJA BOKRISTE

Diriša Gabotse Dikgatišo Tšeo di Theilwego Beibeleng

Diriša Gabotse Dikgatišo Tšeo di Theilwego Beibeleng

Jesu o re rutile gore: “Le amogetše feela, neang feela.” (Mat 10:8) Re latela taelo yeo e kwagalago gabotse ka go se lefiše batho ge re ba nea Dibeibele goba dikgatišo tša rena tše di theilwego Beibeleng. (2Ko 2:17) Le ge dikgatišo tše di sa rekišwe, di na le ditherešo tša bohlokwa tšeo di tšwago ka Lentšung la Modimo. Go dirišwa tšhelete e ntši kudu go di gatiša le go di romela diphuthegong lefaseng ka moka, e bile ke mošomo o mogolo kudu. Ka baka leo, re swanetše go tšea feela tšeo re tlago go di diriša.

Eba šedi ge o nea batho dikgatišo, gaešita le mafelong a batho bohle. (Mat 7:6) Go e na le go no phakiša batho dikgatišo tša rena, leka go boledišana le bona gore o bone ge e ba ba tla di bala. Na o ka araba ka ee bonyenyane go e tee ya dipotšišo tše di lego lepokising leo le lego ka tlase ga seswantšho? Ge e ba o sa kgone go bona gabotse ge e ba motho yoo a tla bala kgatišo, go kaone o mo nee pampišana. Eupša ge e ba a kgopela makasine goba kgatišo e nngwe, re ka se be le bothata bja go mo nea yona.Die 3:27, 28.