Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Pukwana ya Seboka sa Bophelo le Bodiredi bja Bokriste  |  February 2017

BOPHELO BJA BOKRISTE

Thuša Bana ba Gago Gore ba be le Tumelo go Mmopi

Thuša Bana ba Gago Gore ba be le Tumelo go Mmopi

Tlholo e bonagatša letago la Jehofa. (Ps 19:1-4; 139:14) Lega go le bjalo, batho lefaseng le la Diabolo ba nyatša Modimo ka dikgopolo tša bona tša gore dilo di itirile. (Rom 1:18-25) O ka dira eng gore dikgopolo tše di se ke tša tsenelela menaganong le dipelong tša bana ba gago? Ba thuše e sa le ba banyenyane gore ba dumele ka dipelo tša bona ka moka gore Jehofa o gona le gore o na le taba le bona. (2Ko 10:4, 5; Ef 6:16) Fatolla seo se lego ka dikgopolong tša bona ka go kwa gore ba nagana eng ka seo ba ithutilego sona sekolong, gomme o diriše dikgatišo le dilo tše dingwe tše dintši go fihlelela dipelo tša bona.Die 20:5; Jak 1:19.

BOGELANG BIDIO YEO E REGO, SEO DITHAKA TŠA GAGO DI SE BOLELAGO—NA MODIMO O GONA?, KE MOKA LE ARABENG DIPOTŠIŠO TŠE DI LATELAGO:

  • Ke taba efe yeo batho ba itlhametšego yona ge go tliwa tabeng ya go dumela go Modimo?

  • Sekolong sa lena ba le ruta eng ka taba ye?

  • Ke eng seo se go kgodišago gore Jehofa o gona?

  • O ka thuša motho yo mongwe bjang go kwešiša gore Modimo o bopile dilo ka moka?