Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

PUKWANA YA SEBOKA SA BOPHELO BJA RENA LE BODIREDI BJA BOKRISTE AUGUST 2016

 BOPHELO BJA BOKRISTE

Ruta Batho Therešo

Ruta Batho Therešo

Go thoma ka September, Pukwana ya Seboka sa Bophelo bja Rena le Bodiredi bja Bokriste e tla ba le mohuta o mofsa wa thero ya mohlala ya sehlogo se rego, “Ruta Batho Therešo.” Morero wa rena e tla ba go ruta batho therešo ya Beibele ka tsela e bonolo re diriša potšišo le lengwalo.

Ge e ba re bona gore motho o a thabela, re ka dira gore a letele gore re boa neng ka go mo tlogelela kgatišo e itšego goba ka go mmontšha bidio yeo e lego jw.org/nso. Re swanetše go leka go boela go yena pele go feta matšatši a mantši gore re tšwetše pele poledišano ya rena. Dithero tšeo tše difsa le dikabelo tša barutwana di tla thewa karolong ya kakaretšo ya sehlogo se sengwe le se sengwe yeo e lego ka pukung ya Beibele e re Ruta Eng? Karolong yeo go na le dipotšišo tše dingwe le mangwalo tšeo di ka re thušago go dira maeto a go boela goba go swara thuto re diriša Beibele feela.

Go na le tsela e tee feela yeo e išago bophelong. (Mt 7:13, 14) Ka ge re bolela le batho ba madumedi a fapafapanego le bao ba sa swanego, re swanetše go ba botša ditherešo tša Beibele tšeo di tlago go kgahla yo mongwe le yo mongwe wa bona. (1Ti 2:4) Ge re kgona go boledišana le batho ka ditaba tše di sa swanego tša Beibele e bile re kaonefatša bokgoni bja rena bja go “[swara] lentšu la therešo ka tshwanelo,” re tla thaba le go feta gomme ra atlega ge re ruta ba bangwe therešo.2Ti 2:15.