Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

PUKWANA YA SEBOKA SA BOPHELO BJA RENA LE BODIREDI BJA BOKRISTE APRIL 2016

 DIRA SOHLE BODIREDING

Lesolo la go Laletša Batho Kopanong

Lesolo la go Laletša Batho Kopanong

Ngwaga le ngwaga, re fagahlela monyanya wa dijo tša moya tšeo re di thabelago dikopanong tša rena tša selete. E le gore ba bangwe le bona ba latswe le go bona gore Jehofa o lokile, re tla laletša ba bantši ka mo re ka kgonago gore ba be le rena kopanong. (Ps 34:8) Sehlopha se sengwe le se sengwe sa bagolo se tla dira phetho ya kamoo ditaletšo di ka sepedišwago ka katlego ka mo go ka kgonegago.

DILO TŠEO O SWANETŠEGO GO DULA O DI GOPOLA

  • Kopano ya rena e neng?

  • Lesolo le thoma neng phuthegong ya gabo rena?

  • Diboka tša tirelo ya tšhemo tša lefelong la gabo rena di swarwa neng?

  • Dipakane tša ka ke dife ka lesolo?

  • Ke bomang bao ke nyakago go ba laletša?

O TLA LALETŠA BATHO BJANG?

Ka morago ga go dumediša, o ka re:

“Re lesolong la lefase ka moka la go nea batho taletšo ya mabapi le tiragalo e bohlokwa kudu. Letšatši, nako le lefelo di ngwadilwe gona mo taletšong. Re ka thaba ge o ka tla wa ba le rena.”

O KA HLAGOLELA BJANG KGAHLEGO?

Gaešita le ge re nyaka go laletša batho ba bantši ka mo go ka kgonegago gore ba tle kopanong, re swanetše go itokišeletša go hlagolela kgahlego le ge e le efe yeo e bontšhitšwego.

Mafelobekeng, o ka sepediša makasine gotee le taletšo.