Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Opelela Jehofa o Thabile

 KOPELO 87

Etlang le Lapološwe!

Kgetha Seo o Nyakago go se Theetša
Etlang le Lapološwe!
BONA
Temana
Seswantšho

(Baheberu 10:24, 25)

  1. 1. Re phela lefaseng le timetšego,

    Tsela ya Jah ga e tsebje.

    Re nyaka tlhahlo le tšhireletšego,

    Ka noši re ka se kgone.

    Re lapološwa ke tšona diboka,

    Di matlafatša tumelo.

    Di re iša medirong e mebotse,

    Ra kgona go kgotlelela.

    Re se tlogele ditaelo tša Jah,

    Re phethe thato ya gagwe.

    Diboka di re fa matla a mafsa,

    Tša tsošološa lerato.

  2. 2. Mmopi o tseba dinyakwa tša rena,

    Re kweng keletšo ya gagwe.

    Ge re ipha nako ya go bokana,

    Re bonagatša bohlale.

    Anke re beng le tumelo e matla

    Ka go theetša Modimo.

    Ka thekgo e lerato ya borwarre,

    Re tla ikwa re thabile.

    Re letetše dinako tše kaone,

    Re tla dula re bokana.

    Dibokeng re hwetša tlhahlo ya Mmopi

    Gore re phele gabotse.