Eya go dikagare

Eya go lelokelelo la dikagare

Dihlatse tša Jehofa

Kgetha leleme Sepedi

 KAROLO 6

Re Ithuta Eng Meetsefuleng a Magolo?

Re Ithuta Eng Meetsefuleng a Magolo?

Modimo o ile a fediša batho ba kgopo eupša a šireletša Noa le lapa la gagwe. Genesi 7:11, 12, 23

Pula e ile ya na matšatši a 40 le mašego a 40 gomme meetse a apeša lefase ka moka. Batho ba kgopo ka moka ba ile ba hwa.

Barongwa ba marabele ba ile ba apola mebele ya bona ya nama gomme ba fetoga batemona.

Bao ba bego ba le ka arekeng ba ile ba phologa. Gaešita le ge Noa le ba lapa la gagwe ba ile ba feleletša ba hwile, Modimo o tla ba tsošetša bophelong gape ba ena le tebelelo ya go phela ka mo go sa felego.

 Modimo o tla buša a fediša batho ba kgopo gomme a phološa ba lokilego. Mateo 24:37-39

Sathane le batemona ba tšwela pele ba timetša batho.

Lehono, go etša mehleng ya Noa, batho ba bantši ba gana tlhahlo ya Jehofa e lerato. Kgauswinyane Jehofa o tla fediša batho ka moka bao e lego ba kgopo.​—2 Petro 2:5, 6.

Batho ba bangwe ba swana le Noa. Ba theetša Modimo e bile ba dira seo a rego ba se dire; bona ke Dihlatse tša Jehofa.