Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Theetša Modimo Gomme o Phele ka mo go sa Felego

 KAROLO 5

Meetsefula a Magolo—Ke Bomang Bao ba Ilego ba Theetša? Ke Bomang Bao ba Ilego ba se Theetše?

Meetsefula a Magolo—Ke Bomang Bao ba Ilego ba Theetša? Ke Bomang Bao ba Ilego ba se Theetše?

Mehleng ya Noa, batho ba bantši kudu ba be ba dira dilo tše mpe. Genesi 6:5

Adama le Efa ba ile ba ba le bana gomme batho ba ata mo lefaseng. Ge nako e dutše e eya, barongwa ba bangwe ba ile ba tlatša Sathane borabeleng bja gagwe.

Ba ile ba tla lefaseng gomme ba ikapeša mebele ya batho e le gore ba kgone go nyala basadi. Basadi bao ba ile ba belega barwa bao ba phagametšego batho, bao ba bego ba le bogale e bile ba ena le matla.

Lefase le ile la tlala ka batho bao ba bego ba dira dilo tše mpe. Beibele e re “bobe bja batho bo be bo tletše lefaseng le [gona] sohle seo se bego se ratwa ke dikgopolo tša bona le dipelo tša bona e be e le se sebe ka dinako tšohle.”

 Noa o ile a theetša Modimo gomme a aga areka. Genesi 6:13, 14, 18, 19, 22

Noa e be le monna yo a lokilego. Jehofa o ile a botša Noa gore O be a tlo fediša batho ba kgopo ka meetsefula a magolo.

Modimo gape o ile a botša Noa gore a age sekepe se segolo kudu seo se bitšwago areka gomme ka gare ga sona a tsenye ba lapa la gagwe le mehuta ka moka ya diphoofolo.

Noa o ile a lemoša batho ka Meetsefula ao a tlago, eupša ga se ba ka ba theetša. Ba bangwe ba ile ba sega Noa; ba bangwe bona ba mo hloya.

Nakong ya ge areka e feditšwe go agwa, Noa o ile a tsenya diphoofolo ka gare ga yona.