Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Theetša Modimo Gomme o Phele ka mo go sa Felego

 KAROLO 7

Jesu e be e le Mang?

Jesu e be e le Mang?

Jehofa o ile a roma Jesu lefaseng. 1 Johane 4:9

Re swanetše go theetša motho yo mongwe yo bohlokwa ge e ba re nyaka go kgahla Jehofa. Jehofa o ile a bopa motho wa moya yo matla kua magodimong nako e telele kudu pele a ka bopa Adama.

Ge nako e dutše e eya, Jehofa o ile a romela motho yoo gore a tlo belegelwa Betlelehema a belegwa ke kgarebe yeo e bitšwago Maria. Ngwana yoo o ile a reelwa leina la Jesu.​—Johane 6:38.

Nakong ya ge e be e le motho wa nama mo lefaseng, Jesu o ile a bonagatša dika tša Modimo ka mo go phethagetšego. E be e le yo botho, a na le lerato e bile a batamelega. O ile a ruta ba bangwe therešo mabapi le Jehofa a sa boife.

 Jesu o be a dira dilo tše dibotse eupša o be a hloilwe. 1 Petro 2:21-24

Baetapele ba bodumedi ba be ba hloile Jesu ka gobane o be a pepentšha dithuto tša bona tša maaka gotee le ditsela tša bona tše mpe.

Jesu gape o ile a fodiša balwetši a ba a tsoša ba bangwe bao ba bego ba hwile.

Baetapele ba bodumedi ba ile ba gapeletša Baroma gore ba itie Jesu ba be ba mmolaye.