Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

Ke Bomang Bao ba Dirago Thato ya Jehofa Lehono?

 THUTO 3

Therešo ya Beibele e Ile ya Utollwa Lefsa Bjang?

Therešo ya Beibele e Ile ya Utollwa Lefsa Bjang?

Barutwana ba Beibele, nywageng ya bo-1870

Tokollo ya pele ya Morokami, 1879

Morokami lehono

Beibele e boletše e sa le pele gore ka morago ga lehu la Kriste, go be go tla tsoga barutiši ba maaka gare ga Bakriste ba pele gomme ba šilafatša therešo ya Beibele. (Ditiro 20:29, 30) Ge nako e dutše e eya, go ile gwa direga sona seo. Ba ile ba tswaka dithuto tša Jesu le dikgopolo tša boheitene tša bodumedi gomme gwa tšwelela Bokriste bja mankekišane. (2 Timotheo 4:3, 4) Re ka kgonthišetša bjang gore lehono re na le kwešišo e nepagetšego ya seo ge e le gabotse Beibele e se rutago?

Go ile gwa fihla nako ya Jehofa ya go utolla therešo. O be a boletše e sa le pele gore ‘mehleng ya bofelo, tsebo ya therešo e be e tla ata.’ (Daniele 12:4) Ka 1870, sehlopha se senyenyane sa batho bao ba tsomago therešo se ile sa lemoga gore dithuto tše dintši tša kereke di be di sa thewa Mangwalong. Ka baka leo, se ile sa thoma go tsoma kwešišo ya dithuto tša mathomong tša Beibele, gomme Jehofa o ile a se šegofatša ka kwešišo ya dilo tša moya.

Banna ba botegago ba ile ba ithuta Beibele ka kelohloko. Barutwana bao ba Beibele ba botegago, bao ba bilego gona pele ga rena, ba ile ba diriša mokgwa wa go ithuta wo re sa dutšego re o diriša le lehono. Ba be ba ahlaahla Beibele go ya ka ditaba tše sa swanego. Ge ba be ba kopana le ditemana tša Beibele tšeo go bego go le thata go di kwešiša, ba be ba nyaka ditemana tše dingwe tša go di hlalosa. Ge ba be ba fihlelela phetho yeo e dumelelanago le Mangwalo a mangwe ka moka, ba be ba e ngwala fase. Ka gona, ka go dumelela Beibele gore e itlhatholle, ba ile ba utolla lefsa therešo ka leina la Modimo le Mmušo, morero wa gagwe ka batho le lefase, boemo bja bahu gotee le kholofelo ya tsogo. Go tsoma ga bona go ile gwa ba lokolla ditumelong tše dintši tša maaka gotee le mekgweng ya gona.—Johane 8:31, 32.

Ka 1879, Barutwana ba Beibele ba ile ba lemoga gore go be go fihlile nako ya gore ba phatlalatše therešo. Ka gona ngwageng woo, ba ile ba thoma go tšweletša makasine woo re sa dutšego re o gatiša le lehono, wa Morokami o Tsebatša Mmušo wa Jehofa. Ga bjale re botša batho ditherešo tša Beibele dinageng tše 239 le ka maleme a e ka bago a 700. Tsebo ya therešo ga se ya ka ya ata gakaakaa peleng!

  • Ka morago ga lehu la Kriste, go ile gwa direga’ng ka therešo ya Beibele?

  • Ke’ng se se dirilego gore re kgone go utolla lefsa therešo ya Lentšu la Modimo?