Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Ke Bomang Bao ba Dirago Thato ya Jehofa Lehono?

 THUTO 22

Go Dirwa Eng Ofising ya Lekala?

Go Dirwa Eng Ofising ya Lekala?

Dihlakahlaka tša Solomon

Canada

Afrika Borwa

Ditho tša lapa la Bethele di hlankela mafapheng a fapafapanego, di hlokomela modiro wa boboledi nageng e tee goba tše mmalwa. Di ka hlankela dihlopheng tša bofetoledi, tša gatiša dimakasine, tša tlema dipuku, tša boloka dikgatišo, tša tšweletša dikgatišo tšeo di theetšwago le dibidio goba tša hlokomela ditaba tše dingwe tša tikologo yeo.

Komiti ya Lekala e okamela modiro. Sehlopha se Bušago se nea Komiti ya Lekala yeo e bopšago ke bagolo ba bararo goba ba fetago moo bao ba swanelegago gabotse modiro wa go hlokomela go šoma ga ofisi e nngwe le e nngwe ya lekala. Komiti e dula e tsebiša Sehlopha se Bušago ka tšwelopele ya modiro nageng e nngwe le e nngwe yeo e hlokometšwego ke komiti le ka mathata le ge e le afe ao a ka tšwelelago. Dipego tše bjalo di thuša Sehlopha se Bušago go dira phetho ya gore ke ditaba dife tšeo di swanetšego go ahlaahlwa nakong e tlago dikgatišong gotee le dibokeng le dikopanong. Baemedi ba Sehlopha se Bušago ba dula ba romelwa go yo etela makala le go nea Dikomiti tša Makala tlhahlo ya go phetha mediro ya tšona. (Diema 11:14) Go rulaganywa lenaneo le le kgethegilego leo le akaretšago polelo yeo e newago ke moemedi yo a tšwago ntlongkgolo gore a kgothatše bao ba dulago tikologong ya lekala leo.

Diphuthego tša moo lekala le lego gona di a thekgwa. Bana babo rena ba nago le boikarabelo ofising ya lekala ba dumelela go hlongwa ga diphuthego tše difsa. Bana babo rena gape ba hlahla modiro wa babulamadibogo, baromiwa le balebeledi ba tikologo bao ba hlankelago tikologong ya lekala leo. Ba rulaganya dikopano tše dikgolo le tše dinyenyane, ba okamela go agwa ga Diholo tše difsa tša Mmušo le go bona gore dikgatišo di romelwa diphuthegong bakeng sa go di nea dinyakwa tša tšona. Modiro ka moka wo o dirwago lekaleng o tlaleletša go phethweng ga modiro wa boboledi ka thulaganyo.—1 Bakorinthe 14:33, 40.

  • Dikomiti tša Makala di thuša Sehlopha se Bušago bjang?

  • Go phethwa boikarabelo bofe ofising ya lekala?