Re a go leboga gore o iphile nako ya go hlahloba poroutšha ye gore o ithute gore Dihlatse tša Jehofa ke batho ba mohuta mang, go ithuta ka mediro ya rena le go bona gore mokgatlo wa rena o šoma bjang. Re holofela gore e go thušitše go lemoga gore ke rena bao re dirago thato ya Jehofa lehono. Re go kgothaletša gore o tšwele pele o ithuta ka Modimo, o botše ba lapa la geno ka moka le bagwera ba gago ka seo o ithutago sona, gotee le go kopanela ka mehla le rena dibokeng tša rena tša Bokriste.—Baheberu 10:23-25.

O tla hwetša gore ge o dutše o ithuta mo go oketšegilego ka Jehofa, ke moo o kgonago go bona gore o go rata e le ka kgonthe. Ke moka o tla tutueletšega go dira sohle seo o ka se kgonago gore le wena o mmontšhe gore o a mo rata. (1 Johane 4:8-10, 19) Eupša o ka bontšha bjang kganyogo yeo bophelong bja gago bja letšatši le letšatši? Ke ka baka la’ng o ka holwa ke go latela ditekanyetšo tša gagwe tša boitshwaro? Le gona, ke’ng seo se tla go thušago gore o nyake go dira thato ya Modimo gotee le rena? Morutiši wa gago wa Beibele o tla thabela go hlahloba dikarabo le wena e le gore wena le ba lapa la geno le “duleng leratong la Modimo . . . ka tebelelo ya bophelo bjo bo sa felego.”—Juda 21.

Re go laletša ka borutho gore o dule o dira tšwelopele tseleng ya therešo ka go ithuta kgatišo ya “Le Duleng Leratong la Modimo.”