Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

Ke Bomang Bao ba Dirago Thato ya Jehofa Lehono?

 THUTO 24

Modiro wa Rena wa Lefase ka Bophara o Thekgwa Bjang ka tša Ditšhelete?

Modiro wa Rena wa Lefase ka Bophara o Thekgwa Bjang ka tša Ditšhelete?

Nepal

Togo

Brithania

Mokgatlo wa rena o gatiša le go aba Dibeibele tše dimilione tše makgolo gotee le dikgatišo tše dingwe ngwaga le ngwaga ka ntle le tefo. Re aga Diholo tša Mmušo le diofisi tša makala gotee le go di hlokomela. Re hlokomela ditho tše dikete tša lapa la Bethele le baromiwa gomme re nea thušo ya tlhakodišo dinakong tša masetlapelo. Ka gona, mo gongwe o ka botšiša gore: ‘Dilo tše ka moka di thekgwa bjang ka tša ditšhelete?’

Ga re ntšhe karolo ya lesome, ga re lefiše makgetho goba go tšea koleke. Gaešita le ge ditshenyagalelo tša go thekga modiro wa rena wa boebangedi di phagame, ga re kgopele tšhelete. Lebakeng la ka godimo ga nywaga e lekgolo e fetilego, tokollo ya bobedi ya makasine wa Morokami e boletše gore re dumela gore Jehofa ke yena a re thekgago le gore ‘le ka mohla re ka se kgopele goba ra lopa batho gore ba re thekge’—e bile ga se ra ka ra dira bjalo le ka mohla!—Mateo 10:8.

Mediro ya rena e thekgwa ka meneelo ya boithatelo. Batho ba bantši ba thabela modiro wa rena wa go ruta ka Beibele gomme ba o ntšhetša moneelo. Dihlatse ka botšona di thabela go gafa nako ya tšona, matla, meneelo le matlotlo a mangwe go thekga go dirwa ga thato ya Modimo lefaseng ka moka. (1 Dikoronika 29:9) Diholong tša rena tša Mmušo le dikopanong tše dikgolo le tše dinyenyane go na le mapokisi a moneelo ao bao ba nyakago go ntšha meneelo ba ka e tsenyago go ona. Ka kakaretšo, ditšhelete tšeo di amogelwago di tšwa bathong bao e sego bahumi, bao ba swanago le mohlologadi wa mohloki yo Jesu a boletšego gabotse kudu ka yena, yoo a ilego a lahlela ditšheletiana tša tšhipi tše pedi ka bobolokelong bja matlotlo bja tempele. (Luka 21:1-4) Ka gona, motho le ge le ofe a ka kgona gore ka mehla a “boloke se sengwe ka thoko” gore a nee “kamoo a phethilego ka gona pelong ya gagwe.”—1 Bakorinthe 16:2; 2 Bakorinthe 9:7.

Re kgodišegile gore Jehofa o tla tšwela pele a tutuetša dipelo tša bao ba nyakago go ‘mo godiša ka dilo tša bona tše bohlokwa’ go thekgeng modiro wa Mmušo e le gore thato ya gagwe e dirwe.—Diema 3:9.

  • Ke’ng seo se dirago gore mokgatlo wa rena o se swane le madumedi a mangwe?

  • Meneelo ya boithatelo e dirišwa bjang?

Ithute ka mo go oketšegilego

Bidio e Kopana: Kamoo Dihlatse tša Jehofa di Thekgago Modiro wa Tšona ka tša Ditšhelete

Bona kamoo modiro wa rena o thekgwago ka tša ditšhelete le kamoo go ntšhwago meneelo lefaseng ka bophara.

Dimakasine tša Rena

Taonelouta dimakasine tša Morokami le Phafoga!