Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

Ke Bomang Bao ba Dirago Thato ya Jehofa Lehono?

 THUTO 8

Ke ka Baka la Eng re Apara Gabotse ge re Eya Dibokeng tša Rena?

Ke ka Baka la Eng re Apara Gabotse ge re Eya Dibokeng tša Rena?

Iceland

Mexico

Guinea-Bissau

Philippines

Na o bone diswantšhong tše di lego ka poroutšheng ye kamoo Dihlatse tša Jehofa di aparago gabotse ka gona ge di eya dibokeng tša tšona tša phuthego? Ke ka baka la’ng re ela hloko kudu moaparo wa rena le go itokiša?

Go hlompha Modimo wa rena. Ke therešo gore Modimo ga a lebelele feela ponagalo ya rena ya ka ntle. (1 Samuele 16:7) Lega go le bjalo, ge re bokane bakeng sa go mo rapela, kganyogo ya rena e tšwago pelong ke go hlompha yena le barapedigotee le rena. Ge re be re ka swanelwa ke go ema pele ga moahlodi kgorong ya tsheko, re be re tla ela hloko ponagalo ya rena ka baka la go hlompha boemo bja gagwe. Ka mo go swanago, tsela yeo re bogegago ka yona ge re le dibokeng e bontšha kamoo re lebelelago “Moahlodi wa lefase ka moka,” Jehofa Modimo, le lefelo leo re rapelago go lona.—Genesi 18:25.

Go bonagatša ditekanyetšo tšeo re phelago ka tšona. Beibele e kgothaletša Bakriste gore ba apare “ka go se solege le ka go hlaphogelwa ga monagano.” (1 Timotheo 2:9, 10) Go apara “ka go se solege” go bolela go phema diaparo tšeo di ka gogelago tlhokomelo go rena tša bomponeng, tšeo di tsošago dikganyogo, goba tšeo di bonatšago tša ka gare. Le gona, “go hlaphogelwa ga monagano” go re thuša go kgetha diaparo tše dibotse tšeo e sego tša bošaedi goba tšeo di feteletšego. Melao ye ya motheo e sa dutše e dumelela batho go kgetha dilo tše di fapafapanego. Ka ntle le lentšu, ponagalo ya rena e kgahlišago le e botse e ka ‘kgabiša thuto ya Mophološi wa rena’ le go ‘tagafatša Modimo.’ (Tito 2:10; 1 Petro 2:12) Ka go apara gabotse ge re eya dibokeng, re tutuetša tsela yeo ba bangwe ba lebelelago borapedi bja Jehofa ka yona.

Gaešita le ge o se na diaparo tša go tšhepha, o sa dutše o ka tla dibokeng Holong ya Mmušo. Ga go nyakege gore diaparo tša rena e be tše bitšago kudu goba tša mabonwa e le gore e be tšeo di swanelegago, tše hlwekilego le tšeo di bogegago.

  • Tsela yeo re aparago ka yona ge re rapela Modimo e bohlokwa gakaaka’ng?

  • Re hlahlwa ke melao efe ya motheo ge re kgetha moaparo le go itokiša ga rena?