Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Ke Bomang Bao ba Dirago Thato ya Jehofa Lehono?

 THUTO 13

Mmulamadibogo ke Eng?

Mmulamadibogo ke Eng?

Canada

Go ya ka ntlo le ntlo

Thuto ya Beibele

Thuto ya motho ka noši

Lentšu “mmulamadibogo” gantši le šupa batho bao ba utollago mafelo a mafsa gomme ba bulela ba bangwe tsela gore ba ba latele. Jesu e be e le mmulamadibogo ka tsela e itšego, ka ge a ile a rongwa lefaseng gore a tlo dira bodiredi bjo bo neago bophelo le go bulela batho tsela e išago phološong. (Mateo 20:28) Lehono, balatedi ba gagwe ba mo ekiša ka go fetša nako e ntši ka mo ba ka kgonago ba ‘dira barutiwa.’ (Mateo 28:19, 20) Ba bangwe ba ile ba kgona go tsenela seo re se bitšago tirelo ya bobulamadibogo.

Mmulamadibogo ke moebangedi wa nako e tletšego. Dihlatse tša Jehofa ka moka ke bagoeledi ba ditaba tše dibotse. Lega go le bjalo, ba bangwe ba ile ba rulaganya maphelo a bona gore ba hlankele e le babulamadibogo ba ka mehla, ba fetša diiri tše 70 kgweding e nngwe le e nngwe modirong wa boboledi. Gore ba dire se, ba šoma mošomo wa boiphedišo wo e sego wa ka mehla. Ba bangwe ba kgethelwa go hlankela e le babulamadibogo ba kgethegilego mafelong ao go ona go nyakegago bagoeledi ba Mmušo ba bantši, ba fetša diiri tše 130 goba tša ka godimo ga moo bodireding kgwedi e nngwe le e nngwe. Babulamadibogo ba kgotsofalela go phela bophelo bjo bonolo, ba kgodišegile gore Jehofa o tla ba nea dinyakwa tša bona tša bophelo. (Mateo 6:31-33; 1 Timotheo 6:6-8) Bao ba sa kgonego go tsenela bobulamadibogo bja ka mehla ba ka hlankela e le babulamadibogo ba go thuša ge ba kgona, ba oketša modiro wa bona wa boboledi gore e be diiri tše 30 goba tše 50 ka kgwedi.

Mmulamadibogo o tutuetšwa ke go rata Modimo le batho. Go swana le Jesu, re lemoga gore batho ba bantši lehono ba tloga ba nyaka go tseba ka Modimo le merero ya gagwe. (Mareka 6:34) Eupša re na le tsebo yeo e ka ba thušago gona bjale, yeo e ba neago kholofelo e tiilego ya bokamoso. Go rata baagišani go tutuetša mmulamadibogo gore a gafe nako ya gagwe e ntši le matla go thuša ba bangwe ka dilo tša moya. (Mateo 22:39; 1 Bathesalonika 2:8) Ka baka leo, tumelo ya gagwe e a matlafala, o batamela kgauswi le Modimo gomme o hwetša lethabo le legolo.—Ditiro 20:35.

  • O ka hlalosa mmulamadibogo bjang?

  • Ke’ng seo se tutueletšago ba bangwe go tsenela bobulamadibogo bja ka mehla?

Ithute ka mo go Oketšegilego

MOROKAMI—KGATIŠO E ITHUTWAGO

Bobulamadibogo bo Matlafatša Tswalano ya Rena le Modimo

Ela hloko ditsela tše seswai tšeo ka tšona bobulamadibogo bo ka matlafatšago tswalano ya gago le Jehofa. Ke’ng seo se ka go thušago gore o tšwele pele o le tirelong ye e putsago?