Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Ke Bomang Bao ba Dirago Thato ya Jehofa Lehono?

 THUTO 9

Tsela e Kaonekaone ya go Lokišeletša Diboka tša Rena ke Efe?

Tsela e Kaonekaone ya go Lokišeletša Diboka tša Rena ke Efe?

Cambodia

Ukraine

Ge e ba o ithuta Beibele le yo mongwe wa Dihlatse tša Jehofa, mohlomongwe o leka go hlahloba taba ya thuto e nngwe le e nngwe e sa le pele. E le gore o holege kudu, go nyakega gore o dire se se swanago pele o eya dibokeng tša phuthego. Re hwetša dipoelo tše dibotse kudu ge re itirela lenaneo le lebotse.

Kgetha nako le lefelo la go ithuta. O kgona go tsepamiša kgopolo gabotse neng? Na ke ge e sa le mesong kudu, pele o thoma mošomo wa letšatši, goba mantšiboa ka morago ga ge bana ba robetše? Gaešita le ge o ka se ithute nako e telele, dira phetho ya gore o tla beela nako e kaakang ka thoko gomme o leke gore go se be le selo le ge e le sefe seo se go šitišago. Tsoma lefelo le le homotšego gomme o tloše ditšhitišo ka moka ka go tima radio, thelebišene le mogalathekeng. Go rapela pele o ithuta go ka go imolla matshwenyegong a letšatši e le gore o tsepamiše kgopolo Lentšung la Modimo.—Bafilipi 4:6, 7.

Swaya dintlha gomme o lokišeletše go tšea karolo. Thoma ka go hwetša moko wa taba. Nagana ka sehlogo, ke moka o hlahlobe kamoo sehlogwana se sengwe le se sengwe se tswalanago le sehlogo seo, o lekole diswantšho le ge e le dife gomme o hlahlobe dipotšišo tša poeletšo tšeo di gatelelago dintlha tše dikgolo. Ka morago bala serapa gomme o tsome karabo ya potšišo yeo e gatišitšwego. Phetla mangwalo ao a bontšhitšwego gomme o a bale, ke moka o nagane kamoo a thekgago taba ka gona. (Ditiro 17:11) Ge o bona karabo ya potšišo, e swaye goba o thalele mantšu a sego kae a motheo goba dipolelwana tše lego serapeng tšeo di tlago go go gopotša karabo. Ka morago ge o le sebokeng, o ka emiša letsogo ge e ba o rata ke moka wa nea tlhaloso e kopana ka mantšu a gago.

Ka go hlahloba ditaba tše di fapafapanego tšeo di ahlaahlwago bekeng e nngwe le e nngwe dibokeng, o tla tsenya dikgopolo tše difsa ‘bobolokelong bja gago bja letlotlo’ bja tsebo ya Beibele.—Mateo 13:51, 52.

  • O ka dira lenaneo lefe la go lokišeletša diboka?

  • O ka itokišeletša bjang go nea tlhaloso dibokeng?

Ithute ka mo go oketšegilego

DIBOKA

Go Direga Eng Dibokeng tša Dihlatse tša Jehofa?

Ithute kamoo re swarago diboka ka gona.