Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

Ke Bomang Bao ba Dirago Thato ya Jehofa Lehono?

 THUTO 18

Re Thuša Bana Babo Rena ge ba le Tlalelong Bjang?

Re Thuša Bana Babo Rena ge ba le Tlalelong Bjang?

Dominican Republic

Japane

Haiti

Ge go eba le masetlapelo, Dihlatse tša Jehofa di rulaganya le semeetseng thušo ya go hlakodiša bao a ba wetšego. Maiteko ao a bontšha go ba ga kgonthe ga lerato leo re ratanago ka lona. (Johane 13:34, 35; 1 Johane 3:17, 18) Re thuša ka ditsela dife?

Re dira moneelo wa ditšhelete. Ge Judea e be e wetšwe ke tlala e kgolo, Bakriste ba pele kua Antiokia ba ile ba romela tšhelete ya go thuša bana babo bona ba moya. (Ditiro 11:27-30) Ka mo go swanago, ge re ekwa gore bana babo rena karolong e itšego ya lefase ba wetšwe ke mathata, re romela meneelo ka phuthego ya gabo rena gore e thuše bao ba tlogago ba nyaka thušo ya dilo tše di bonagalago.—2 Bakorinthe 8:13-15.

Re nea thušo ya kgonthe. Bagolo bao ba lego lefelong la masetlapelo ba leka go hwetša setho se sengwe le se sengwe sa phuthego bakeng sa go kgonthišetša gore Dihlatse ka moka di hweditšwe gomme di šireletšegile. Komiti ya tša tlhakodišo e ka okamela kabo ya dijo, meetse a go nwa, diaparo, madulo le thušo ya tša kalafo. Dihlatse tše dintši tšeo di nago le bokgoni bjo bo nyakegago di ithaopela go ya moo ka ditshenyagalelo tša tšona gomme di tšea karolo modirong wa tlhakodišo goba wa go lokiša dintlo tšeo di senyegilego gotee le Diholo tša Mmušo. Botee bjoo mokgatlo wa rena o nago le bjona le phihlelo yeo re e hweditšego ka go šoma gotee di re thuša gore re kgone go rulaganya thušo le bašomi kapejana nakong ya tlalelo. Gaešita le ge re thuša “bao ba tswalanego le rena tumelong,” re thuša le ba bangwe ge go kgonega, go sa šetšwe gore ke ba bodumedi bofe.—Bagalatia 6:10.

Re nea thekgo ya moya le ya maikwelo. Batho bao ba wetšwego ke masetlapelo ba nyaka khomotšo ka mo go kgethegilego. Dinakong tše bjalo, re hwetša matla go Jehofa, “Modimo wa khomotšo yohle.” (2 Bakorinthe 1:3, 4) Re thabela go botša bao ba lego tlalelong dikholofetšo tša Beibele, re ba nea kgonthišetšo ya gore kgauswinyane Mmušo wa Modimo o tla fediša masetlapelo ka moka ao a bakago bohloko le tlaišego.—Kutollo 21:4.

  • Ke ka baka la’ng Dihlatse di kgona go arabela kapejana nakong ya masetlapelo?

  • Re ka abelana le baphologi ba masetlapelo khomotšo efe ya moya?