Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

Ke Bomang Bao ba Dirago Thato ya Jehofa Lehono?

 Thuto 26

Re ka Thuša Bjang go Hlokomela Holo ya Rena ya Mmušo?

Re ka Thuša Bjang go Hlokomela Holo ya Rena ya Mmušo?

Estonia

Zimbabwe

Mongolia

Puerto Rico

Holo e nngwe le e nngwe ya Mmušo ya Dihlatse tša Jehofa e emela leina la Modimo le lekgethwa. Ka gona, re bona go tšea karolo go bolokeng moago woo o hlwekile, o bogega e bile o le boemong bjo bobotse e le tokelo le karolo e bohlokwa ya borapedi bja rena bjo bokgethwa. Bohle ba ka tšea karolo.

Ithaopele go hlwekiša ka morago ga diboka. Ka morago ga seboka se sengwe le se sengwe, bana babo rena le dikgaetšedi ba thabela go hlwekiša go se nene le go beakanya dilo Holong ya Mmušo. Holo e hlwekišwa ka mo go tseneletšego gatee ka beke. Mogolo goba mohlanka wa bodiredi o etelela pele modiro, gantši a latela lenaneo la dilo tšeo di swanetšego go dirwa. Go ithekgile ka seo se nyakegago, ba bangwe ba ithaopela go swiela, go koropa, goba go swiela lebato ka motšhene, go phumola lerole, go beakanya ditulo, go hlwekiša le go bolaya ditwatši ka dintlwaneng tša boithomelo, go hlatswa mafasetere le diipone, go tšholla ditlakala goba go hlwekiša ka ntle gotee le go hlokomela lebala. Go beelwa nako ka thoko bakeng sa modiro o mogolo wa go hlwekiša, bonyenyane gatee ka ngwaga. Re ruta bana ba rena go hlompha lefelo la rena la borapedi ka go ba akaretša medirong e mengwe.—Mmoledi 5:1.

Ithaopele go thuša ka go lokiša dilo tšeo di senyegilego. Ngwaga le ngwaga, Holo ya Mmušo e lekolwa ka mo go tseneletšego, ka ntle le ka gare. Go ithekgile ka tekolo yeo, holo e hlokomelwa ka mehla bakeng sa go e boloka e le boemong bjo bobotse, e lego seo se thušago go phema ditshenyagalelo tšeo di sa nyakegego. (2 Dikoronika 24:13; 34:10) Holo ya Mmušo e hlwekilego le yeo e hlokometšwego gabotse ke lefelo le le swanetšego leo Modimo a ka rapelwago go lona. Ka go tšea karolo modirong wo, re bontšha kamoo re ratago Jehofa le lefelo la rena la borapedi ka gona. (Psalme 122:1) Se se tliša botumo bjo bobotse le setšhabeng.—2 Bakorinthe 6:3.

  • Ke ka baka la’ng re sa swanela go hlokomologa lefelo la rena la borapedi?

  • Go dirwa dithulaganyo dife bakeng sa go boloka Holo ya Mmušo e hlwekile?

Ithute ka mo go oketšegilego

Go Direga Eng Dibokeng tša Dihlatse tša Jehofa?

Ithute kamoo re swarago diboka ka gona.