Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Ke Bomang Bao ba Dirago Thato ya Jehofa Lehono?

 THUTO 6

Go Kopana le Bakristegotee go re Hola Bjang?

Go Kopana le Bakristegotee go re Hola Bjang?

Madagascar

Norway

Lebanon

Italy

Gaešita le ge re ka swanelwa ke go phatša sethokgweng se se bofaganego goba go sepela boemong bjo bo befilego bja leratadima, re ba gona ka mehla dibokeng tša rena tša Bokriste. Go sa šetšwe ditlhohlo tša bophelo le molapo wa ka morago ga mošomo wa letšatši, ke ka baka la’ng Dihlatse tša Jehofa di dira boiteko bjoo bja go kopana le badumedigotee le tšona?

Go re thuša gore re phele gabotse. Ge Paulo a bolela ka bao re kopanelago le bona ka phuthegong, o ngwadile gore: “A re hlokomelaneng.” (Baheberu 10:24) Polelwana ye e bolela gore re swanetše go tsebana. Ka gona, mantšu a moapostola a re kgothaletša gore re tshwenyege ka ba bangwe. Ka go tseba malapa a mangwe a Bakriste, re hwetša gore a mangwe a ona a atlegile go fenya ditlhohlo tšeo di swanago le tša rena le gore a ka re thuša gore le rena re atlege.

Go aga segwera se tiilego. Dibokeng tša rena, ga re fo kopana le batho bao re tlwaelanego le bona, eupša re kopana le sehlopha sa bagwera ba kgauswi. Mabakeng a mangwe, re fetša nako gotee boitapološong bjo bo agago. Segwera seo se na le tutuetšo efe e holago? Re ithuta go tšeelana godimo kudu, gomme seo se matlafatša ditlemo tša rena tša lerato. Ke moka, ge bagwera ba rena ba welwa ke mathata, re ikemišetša go ba thuša ka gobane re šetše re ena le segwera se tiilego. (Diema 17:17) Ka go gwerana le ditho ka moka tša phuthego ya gabo rena, re bontšha gore re a ‘hlokomelana.’—1 Bakorinthe 12:25, 26.

Re go kgothaletša gore o kgethe bagwera bao ba dirago thato ya Modimo. O tla hwetša bagwera ba bjalo gare ga Dihlatse tša Jehofa. Hle o se ke wa dumelela selo le ge e le sefe se go thibela go kopanela le rena.

  • Ke ka baka la’ng re holwa ke go kopana dibokeng?

  • O tla rata go tlwaelana neng le batho ba phuthego ya gabo rena?

Ithute ka mo go Oketšegilego

DIBOKA

Go Direga Eng Dibokeng tša Dihlatse tša Jehofa?

Ithute kamoo re swarago diboka ka gona.