Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

Ke Bomang Bao ba Dirago Thato ya Jehofa Lehono?

 THUTO 11

Ke ka Baka la Eng re Eya Dikopanong tše Dikgolo?

Ke ka Baka la Eng re Eya Dikopanong tše Dikgolo?

Mexico

Jeremane

Botswana

Nicaragua

Italy

Ke ka baka la’ng batho ba ba bonagala ba thabile gakaakaa? Ba tlile go e nngwe ya dikopano tša rena. Go swana le bahlanka ba Modimo ba nakong e fetilego, bao ba bego ba laetšwe gore ba bokane gararo ka ngwaga, re fagahlela go bokana gotee ka dihlopha tše dikgolo. (Doiteronomio 16:16) Ngwageng o mongwe le o mongwe, re na le dikopano tše tharo: dikopano tše pedi tša tikologo tša letšatši letee le kopano ya selete ya matšatši a mararo. Re holwa bjang ke dikopano tše?

Di matlafatša borwarre bja rena bja Bokriste. Go fo etša ge Baisiraele ba be ba thabela go tumiša Jehofa “gare ga mašaba a phuthegilego,” le rena re thabela go mo rapela re le gotee dikopanong tše kgethegilego. (Psalme 26:12; 111:1) Dikopano tše di re nea sebaka sa go kopana le go gwerana le Dihlatse tše di tšwago diphuthegong tše dingwe goba tše di tšwago dinageng tše dingwe. Mosegare, re ipshina ka go ja gotee lefelong la kopano, e lego seo se tlaleletšago moyeng wa bogwera wa ditiragalo tše tšeo di agago moyeng. (Ditiro 2:42) Ge re le moo re iponela lerato leo le kopanyago “mokgatlo wohle wa bana babo rena” lefaseng.—1 Petro 2:17.

Di re thuša go dira tšwelopele ya moya. Baisiraele le bona ba be ba holwa ke ge ba “kwešišitše mantšu” a Mangwalo ao ba bego ba a hlathollelwa. (Nehemia 8:8, 12) Le rena re tšeela godimo thuto ya Beibele yeo re e hwetšago dikopanong tša rena. Lenaneo le lengwe le le lengwe le theilwe sehlogong se se tšerwego ka Mangwalong. Dipolelo tše di kgahlišago, ditšhiedišano le ditiragatšo di re ruta kamoo re ka dirago thato ya Modimo ka gona bophelong bja rena. Re kgothatšwa ke go kwa diphihlelo tša bao ba lebeletšanago ka katlego le tlhohlo ya go phela bophelo bja Bokriste mehleng ye e thata. Dikopanong tša selete, diterama tše di bapalwago di phediša dikanegelo tša ka Beibeleng le go re ruta dithuto tše holago. Kopanong e nngwe le e nngwe, go kolobetšwa bao ba nyakago go bontšha boineelo bja bona go Modimo.

  • Ke ka baka la’ng dikopano e le ditiragalo tše di thabišago?

  • O ka holega bjang ka go ya kopanong?

Ithute ka mo go oketšegilego

Bidio e Kopana: Dikopano tša Ngwaga le Ngwaga tša Dihlatse tša Jehofa

Bona lebaka leo batho ba dimilione lefaseng ka bophara ba bago gona tiragalong ye e bohlokwa.