Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

Ke Bomang Bao ba Dirago Thato ya Jehofa Lehono?

 THUTO 5

O tla Hwetša Eng Dibokeng tša Rena tša Bokriste?

O tla Hwetša Eng Dibokeng tša Rena tša Bokriste?

Argentina

Sierra Leone

Belgium

Malaysia

Batho ba bantši ba kgaoditše go ya ditirelong tša bodumedi ka gobane ga ba hwetše tlhahlo ya dilo tša moya goba khomotšo. Ka gona, ke ka baka la’ng o swanetše go ya dibokeng tša Bokriste tšeo di rulagantšwego ke Dihlatse tša Jehofa? O tla hwetša eng moo?

Lethabo la go ba gare ga batho bao ba nago le lerato le bao ba tshwenyegago ka ba bangwe. Lekgolong la pele la nywaga, Bakriste ba be ba rulagantšwe ka diphuthego gomme ba be ba swara diboka gore ba rapele Modimo, ba ithute Mangwalo le go kgothatšana. (Baheberu 10:24, 25) Ge ba be ba bokane moo go nago le lerato, ba be ba ikwa ba le gare ga bagwera ba kgonthe—bana babo bona ba moya. (2 Bathesalonika 1:3; 3 Johane 14) Re latela mohlala wa bona gomme re hwetša lethabo le le swanago.

Mohola wa go ithuta kamoo o ka dirišago melao ya motheo ya Beibele. Banna, basadi le bana ba bokana gotee go etša ge go be go dirwa mehleng ya Beibele. Barutiši bao ba swanelegago ba diriša Beibele go re thuša go kwešiša kamoo re ka dirišago melao ya yona ya motheo bophelong bja rena bja letšatši le letšatši. (Doiteronomio 31:12; Nehemia 8:8) Bohle ba ka tšea karolo ge go boledišanwa le batheetši le ge go opelwa, e lego seo se re neago sebaka sa go bolela kholofelo ya rena ya Bokriste.—Baheberu 10:23.

Tšhegofatšo ya go matlafatša tumelo ya gago go Modimo. Moapostola Paulo o ile a botša e nngwe ya diphuthego tša mehleng ya gagwe gore: “Ke hlologetše go le bona, . . . e le gore mo gare ga rena re kgothatšane ka tumelo ya rena, ya lena gotee le ya ka.” (Baroma 1:11, 12) Go kopana ga rena ka mehla le badumedigotee le rena dibokeng go matlafatša tumelo ya rena gotee le boikemišetšo bja go phela bophelo bja Bokriste.

Ke ka baka la’ng o sa amogele taletšo ya gore o be gona sebokeng sa bekeng e latelago sa phuthego ya rena gomme o iponele dilo tše? O tla amogelwa ka borutho. Diboka ka moka ga di lefelelwe—ga go tšewe dikoleke le ka mohla.

  • Diboka tša rena tša phuthego di latela mohlala ofe?

  • Re ka holega bjang ka go ba gona Dibokeng tša Bokriste?

Ithute ka mo go oketšegilego

Diboka tša Phuthego tša Dihlatse tša Jehofa

Ikhweletše lefelo leo re kopanelago go lona le kamoo re swarago diboka ka gona.