Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

Ke Bomang Bao ba Dirago Thato ya Jehofa Lehono?

 THUTO 7

Diboka tša Rena di Swarwa Bjang?

Diboka tša Rena di Swarwa Bjang?

New Zealand

Japane

Uganda

Lithuania

Dibokeng tša Bakriste ba pele go be go opelwa, go rapelwa e bile go balwa Mangwalo le go a ahlaahla—go se na tirelo le ge e le efe. (1 Bakorinthe 14:26) O ka letela seo se swanago le seo kudu dibokeng tša rena.

Thuto e theilwe Beibeleng e bile e a šoma. Mafelobekeng, phuthego e nngwe le e nngwe e bokana bakeng sa go kwa polelo ya Beibele ya metsotso e 30 yeo e bontšhago kamoo Mangwalo a tswalanago ka gona le maphelo a rena le mehla yeo re phelago go yona. Ka moka ga rena re kgothaletšwa gore re bale ka Dibeibeleng tša rena. Ka morago ga polelo, go swarwa Thuto ya “Morokami,” yeo go yona ditho tša phuthego di ka tšeago karolo ge go ahlaahlwa sehlogo se se tšwago kgatišong e ithutwago ya Morokami. Poledišano ye e re thuša go diriša tlhahlo ya Beibele maphelong a rena. Go ithutwa taba e swanago go e nngwe le e nngwe ya diphuthego tša ka godimo ga tše 110 000 lefaseng ka bophara.

Re thušwa go kaonefatša bokgoni bja rena bja go ruta. Re kopana gape mantšiboeng a gare ga beke bakeng sa lenaneo la dikarolo tše tharo. Go thoma karolo ya metsotso e 30 ya Thuto ya Beibele ya Phuthego, e lego poledišano ya dipotšišo le dikarabo yeo e nweletšago kwešišo ya rena ya melao ya motheo ya Mangwalo le boporofeta bja Beibele. Ka morago, karolo ya metsotso e 30 ya Sekolo sa Bodiredi sa Pušo ya Modimo e thoma ka go ahlaahlwa ga karolo e itšego ya Beibele yeo phuthego e e badilego e sa le pele. Ke moka barutwana bao ba ingwadišitšego sekolong ba nea dipolelo tše kopana. Moeletši o nea ditšhišinyo bakeng sa go re thuša gore re kaonefatše bokgoni bja rena bja go bala le bja go bolela. (1 Timotheo 4:13) Mafelelong re ithuta kamoo re ka rutago ba bangwe Beibele ka gona, karolong ya metsotso e 30 ya Seboka sa Tirelo, yeo e swarwago ka dipolelo, dipontšho le dipoledišano.

Ge o eya dibokeng tša rena, ga go pelaelo gore o tla kgahlwa ke thuto ya Beibele ya maemo a godimo yeo o tlago go e hwetša.—Jesaya 54:13.

  • O ka letela go kwa eng dibokeng tša Dihlatse tša Jehofa?

  • Ke seboka sefe sa diboka tša beke le beke seo o tla ratago go ya go sona nakong e tlago?

Ithute ka mo go oketšegilego

Diphuthego tša Dihlatse tša Jehofa di Rulagantšwe Bjang?

Ikhweletše kamoo re hwetšago tlhahlo le ditaelo go dirišwa tokišetšo ye.