Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

Ke Bomang Bao ba Dirago Thato ya Jehofa Lehono?

 THUTO 10

Borapedi bja Lapa ke Eng?

Borapedi bja Lapa ke Eng?

Korea Borwa

Brazil

Australia

Guinea

Go tloga mehleng ya bogologolo, Jehofa o be a nyaka gore lapa le lengwe le le lengwe le fetše nako le le gotee, le matlafatša bomoya bja lona le go tiiša ditswalano tša lapa. (Doiteronomio 6:6, 7) Ke ka baka leo Dihlatse tša Jehofa di beelago nako ka thoko bekeng e nngwe le e nngwe gore di bokane e le lapa bakeng sa borapedi—di ahlaahla di iketlile ditaba tša moya tšeo di dumelelanago le dinyakwa tša tšona. Gaešita le ge o dula o nnoši, o ka fetša nako yeo gabotse le Modimo thutong ya gago ya Beibele ka go ithuta taba itšego yeo o e kgethilego.

Ke nako ya go batamela Jehofa. “Batamelang Modimo gomme o tla le batamela.” (Jakobo 4:8) Re tseba Jehofa gakaone ge e ba re ithuta ka mo go tseneletšego ka semelo sa gagwe le ditiro tša gagwe re diriša Lentšu la gagwe leo le ngwadilwego, Beibele. Tsela e bonolo ya go thoma borapedi bja lena bja lapa ke ka go fetša nako e itšego le bala Beibele ka go hlaboša le le gotee, mohlomongwe le latela lenaneo la beke le beke la Sekolo sa Bodiredi sa Pušo ya Modimo. Setho se sengwe le se sengwe sa lapa se ka abelwa karolo e itšego ya mmalo, ke moka le ka ahlaahla dilo tšeo le ithutilego tšona Mangwalong.

Ke nako ya go batamela ditho tša lapa. Banna le basadi bao ba lego lenyalong, gotee le batswadi le bana, ba matlafatša ditswalano tša bona ge ba ithuta Beibele e le lapa. E swanetše go ba nako ya lethabo le khutšo le yeo e fagahlelwago ke yo mongwe le yo mongwe bekeng. Go ithekgile ka nywaga ya bana ba bona, batswadi ba ka kgetha ditaba tše di šomago tšeo ba ka di ahlaahlago, mohlomongwe ba diriša dihlogo tše itšego tša Morokami le Phafoga! goba tšeo di lego Wepesaeteng ya rena ya jw.org. Le ka boledišana ka bothata bjoo bana ba lena ba gahlanego le bjona sekolong le kamoo bo ka rarollwago ka gona. Le ka thabela go itlwaetša dikoša tšeo di tlago go opelwa dibokeng ke moka la ipshina ka dilapološi ka morago ga borapedi bja lapa.

Nako ye yeo e kgethegilego yeo e fetšwago bekeng e nngwe le e nngwe go rapelwa Jehofa gotee e tla thuša bohle ka lapeng go thabela go ithuta Lentšu la Modimo, gomme o tla šegofatša maiteko a lena kudu.—Psalme 1:1-3.

  • Ke ka baka la’ng re beela nako ka thoko bakeng sa borapedi bja lapa?

  • Batswadi ba ka dira bjang gore nako ye e thabelwe ke bohle ka lapeng?

Ithute ka mo go oketšegilego

Kamoo o ka Dirago Bophelo bja Lapa la Gago Gore bo Thabiše

Lerato leo Jesu a le bontšhitšego ke mohlala wo o swanetšego go ekišwa ke banna bao ba nyetšego, basadi bao ba nyetšwego, batswadi le bana. Rena re ithuta eng go yena?