Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

Ke Bomang Bao ba Dirago Thato ya Jehofa Lehono?

 THUTO 27

Re ka Holwa Bjang ke Bokgobapuku bja Holong ya Mmušo?

Re ka Holwa Bjang ke Bokgobapuku bja Holong ya Mmušo?

Isiraele

Czech Republic

Benin

Dihlakahlaka tša Cayman

Na o ka rata go dira nyakišišo e itšego bakeng sa go godiša tsebo ya gago ya Beibele? Na o nyaka go tseba ka lengwalo le itšego goba motho yo a itšego, goba selo se itšego seo go bolelwago ka sona ka Beibeleng? Goba na o kile wa ipotšiša ge e ba Lentšu la Modimo le ka go thuša ka selo seo o tshwenyegilego ka sona? Gona eya bokgobapukung bja Holong ya Mmušo.

Bo na le didirišwa tše holago tša go dira nyakišišo. Go ka direga gore ga o na dikgatišo ka moka tšeo di theilwego Beibeleng tša Dihlatse tša Jehofa tšeo di lego gona ka leleme la geno. Eupša bokgobapuku bja Holong ya Mmušo bo na le dikgatišo tše dintši tša morago bjale. Gape bo ka ba bo ena le diphetolelo tše di sa swanego tša Beibele, pukuntšu e botse le dipuku tše dingwe tše thušago tša ditšhupetšo. O lokologile go ka diriša bokgobapuku bjoo pele le ka morago ga diboka. Ge e ba go ena le khomphutha, e ka ba e ena le Watchtower Library. Yona ke lenaneo la khomphutha leo le nago le dikgatišo tše dintši kudu leo go lego bonolo go dira nyakišišo ka lona ka go tsenya lefoko, lentšu goba temana.

Bo hola barutwana bao ba ngwadišitšego Sekolong sa Bodiredi sa Pušo ya Modimo. Ge e ba o ngwadišitše sekolong, o ka diriša bokgobapuku bja Holong ya Mmušo ka mo go holago ge o lokišetša dipolelo tša gago. Molebeledi wa sekolo ke yena a hlokomelago bokgobapuku. O ikarabela ka go kgonthišetša gore go na le dikgatišo tša moragorago le gore di beakantšwe gabotse. Yena goba morutiši wa gago wa Beibele a ka go bontšha kamoo o ka hwetšago tsebišo yeo o e nyakago. Lega go le bjalo, ga go na dipuku tšeo di swanetšego go tšewa bokgobapukung bja Holong ya Mmušo. Le gona, ke therešo gore re swanetše go swara dipuku tšeo ka kelohloko le go se di swaye ka tsela le ge e le efe.

Beibele e re gore re be le “tsebo ka ga Modimo,” re swanetše go ikemišetša go e tsoma “bjalo ka matlotlo a utilwego.” (Diema 2:1-5) Bokgobapuku bja Holong ya Mmušo bo ka go thuša go thoma nyakišišo ya gago.

  • Ke didirišwa dife tša nyakišišo tšeo di lego gona bokgobapukung bja Holong ya Mmušo?

  • Ke mang yo a ka go thušago go diriša bokgobapuku bjoo ka mo go holago?