Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

Ke Eng Seo ge e le Gabotse Beibele e se Rutago?

 MAMETLETŠO

Go Hlaola “Babilona o Mogolo”

Go Hlaola “Babilona o Mogolo”

PUKU ya Kutollo e hupere mantšu a sa swanelago go kwešišwa ka tsela ya kgonthe. (Kutollo 1:1) Ka mohlala, e bolela ka mosadi yoo leina “Babilona o Mogolo” le ngwadilwego phatleng ya gagwe. Mosadi yo go bolelwa gore o dutše godimo ga “mašaba le ditšhaba.” (Kutollo 17:1, 5, 15) Ka ge go se na mosadi wa kgonthe yo a ka dirago se, Babilona o Mogolo e swanetše go ba e le ya seswantšhetšo. Ka gona seotswa se sa seswantšhetšo se emela’ng?

 Go Kutollo 17:18, yena mosadi yo wa seswantšhetšo o hlaloswa e le “motse o mogolo woo o nago le mmušo o bušago dikgoši tša lefase.” Lentšu “motse” le emela sehlopha se se rulagantšwego sa batho. Ka ge ‘motse wo o mogolo’ o laola “dikgoši tša lefase,” mosadi yo a bitšwago Babilona o Mogolo e swanetše go ba e le mokgatlo o nago le tutuetšo e matla wa lefase ka bophara. O ka bitšwa ka mo go swanetšego gore ke mmušo wa lefase. Ke mmušo wa mohuta ofe? Mmušo wa bodumedi. Ela hloko kamoo ditemana tše dingwe ka pukung ya Kutollo tšeo di tswalanago le ye di dirago gore re fihlelele phetho ye.

Mmušo e ka ba wa tša dipolitiki, wa tša kgwebo goba wa bodumedi. Mosadi yo a bitšwago Babilona o Mogolo ga se mmušo wa tša dipolitiki ka gobane Lentšu la Modimo le bolela gore “dikgoši tša lefase,” goba dihlopha tša dipolitiki tša lefase le ‘di dirile bootswa’ le yena. Bootswa bja gagwe bo šupa go dikwano tšeo a di dirilego le babuši ba lefase le, e bile bo hlalosa lebaka leo ka lona a bitšwago “mogweba-ka-mmele yo mogolo.”—Kutollo 17:1, 2; Jakobo 4:4.

Babilona o Mogolo e ka se be mmušo wa tša kgwebo ka gobane “babapatši . . . ba lefase,” bao ba emelago dihlopha tša tša kgwebo, ba tla be ba o llela nakong ya go fedišwa ga gagwe. Ge e le gabotse, dikgoši le babapatši ba hlaloswa e le bao ba lebeletšego Babilona o Mogolo ba le “kgole.” (Kutollo 18:3, 9, 10, 15-17) Ka gona, ke mo go kwagalago go phetha ka gore Babilona o Mogolo ga se mmušo wa tša dipolitiki goba wa tša kgwebo eupša ke wa bodumedi.

Seka sa bodumedi sa Babilona o Mogolo se kgonthišetšwa ka mo go oketšegilego ke taba ya gore o fora ditšhaba ka moka ka ‘go dirišana ga gagwe le meoya.’ (Kutollo 18:23) Ka ge mehuta ka moka ya meoya e e-tšwa mothopong wa bodumedi le wa batemona, ga go makatše ge Beibele e bitša Babilona o Mogolo “bodulo bja batemona.” (Kutollo 18:2; Doiteronomio 18:10-12) Mmušo wo gape o hlaloswago e le woo o ganetšago ka matla bodumedi bja therešo, o tlaiša “baporofeta” le “bakgethwa.” (Kutollo 18:24) Ge e le gabotse, Babilona o Mogolo o hloile bodumedi bja therešo ka mo go tseneletšego kudu mo e lego gore o tlaiša “dihlatse tša Jesu” ka tsela e šoro e bile o a di bolaya. (Kutollo 17:6) Ka baka leo, mosadi yo yo a bitšwago Babilona o Mogolo o emela gabotse mmušo wa lefase wa bodumedi bja maaka, woo o akaretšago madumedi ka moka ao a ganetšago Jehofa Modimo.