Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

Ruta Bana ba Gago

 THUTO 8

Josia o be a na le Bagwera ba go Loka

Josia o be a na le Bagwera ba go Loka

Na o nagana gore go thata go dira se se lokilego?— Batho ba bantši ba nagana gore go thata. Beibele e re botša gore go be go le thata kudu gore mošemanyana yo a bitšwago Josia a dire se se lokilego. Eupša o be a na le bagwera ba go loka bao ba ilego ba mo thuša. Anke re ithute ka Josia le bagwera ba gagwe.

Tatago Josia e be e le Amone, e lego kgoši ya Juda. Amone o be a dira dilo tše mpe e bile a rapela medimo ya diswantšho. Ge tatago Josia a hwile, Josia e ile ya ba kgoši ya Juda. Eupša o be a na le nywaga e seswai feela! Na o nagana gore o be a dira dilo tše mpe go swana le tatagwe?— Aowa, yena o be a sa dire dilo tše mpe!

Tsefanya o ile a botša batho gore ba se ke ba rapela medingwana ya maaka

Gaešita le ge Josia e be e sa le yo monyenyane kudu, o be a nyaka go kwa Jehofa. Ka gona o ile a kgetha go gwerana feela le batho bao ba bego ba rata Jehofa. Batho bao ba ile ba mo thuša go dira se se lokilego. Ba bangwe ba bagwera ba gagwe e be e le bomang?

Yo mongwe wa bagwera ba gagwe e be e le Tsefanya. Tsefanya ke moporofeta yo a ilego  a botša batho ba Juda gore ba be ba tla diragalelwa ke dilo tše mpe ge ba ka rapela medingwana ya maaka. Josia o ile a theetša Tsefanya gomme a rapela Jehofa, e sego medingwana ya maaka.

Mogwera yo mongwe gape wa Josia e be e le Jeremia. E be e le dithaka gomme ba goletše nageng e tee. E be e le bagwera ba bagolo moo e lego gore ge Josia a be a hwile, Jeremia o ile a ngwala koša yeo e bolelago kamoo a bego a gopola Josia. Jeremia le Josia ba ile ba thušana go dira se se lokilego le go kwa Jehofa.

Josia le Jeremia ba ile ba thušana go dira se se lokilego

O ka ithuta eng mohlaleng wa Josia?— O ka ithuta gore le ge Josia e be e sa le yo monyenyane kudu, o be a nyaka go dira se se lokilego. O be a tseba gore o swanetše go gwerana le batho bao ba ratago Jehofa. Le wena o swanetše go gwerana le batho bao ba ratago Jehofa le bao ba ka go thušago go dira se se lokilego!

BALA KA BEIBELENG YA GAGO