Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Puku ya Ngwaga ya Dihlatse tša Jehofa ya 2017

 GEORGIA

Ke be ke Duma go Fetoša Bophelo bja ka

Davit Samkharadze

Ke be ke Duma go Fetoša Bophelo bja ka
  • O BELEGWE KA 1967

  • O KOLOBEDITŠWE KA 1989

  • PEGO YA BOPHELO BJA GAGWE O hlanketše e le molebeledi wa mosepedi. Go tloga ka 2013, o be a ruta dikolong tša Beibele.

KA 1985, ge ke be ke na le mengwaga e 18, mmušo wa Soviet o ile wa laela gore ke tsenele bošole ka nakwana. Ge ke be ke le bošoleng ke ile ka tshwenywa ke ditiro tša go hloka toka le batho bao ba gatelelago ba bangwe moo ke ilego ka ipotša gore: ‘Ga ke nyake go swana le batho ba. Ke nyaka go fapana le bona.’ Lega go le bjalo, ke be nka se kgone go dula ke itshwere ka tsela yeo ke bego ke nyaka. Ke be ke duma go fetoša bophelo bja ka.

Ka morago ga gore ke fetše tirelo ya ka ya bošole, ke ile ka ya gae. Bošegong bjo bongwe ge ke etšwa moletlwaneng, ke ile ka rapela Modimo gore a nthuše go fetoša bophelo bja ka. Letšatšing le le latelago ge ke be ke e ya mošomong, ke ile ka feta go rakgadi yo e bego e le Hlatse ya Jehofa. Ge ke tsena ka ntlong ya gagwe, ke ile ka ikhwetša ke le pele ga sehlopha se senyenyane sa Dihlatse seo se bego se swere seboka. Dihlatse tšeo di ile tša nkamogela ka borutho, ka gona ka dula gomme ka theetša seo di bego di se bolela.

Ke ile ka amogela thuto ya Beibele, ke moka ka morago ga dikgwedi tše tshela ka kolobetšwa. Jehofa o nthušitše gore ke be motho yo mokaone, e lego phetogo yeo ke bego nka se tsoge ke e dirile ntle le thušo ya gagwe.