Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

Puku ya Ngwaga ya Dihlatse tša Jehofa ya 2015

 DOMINICAN REPUBLIC

Moilamodimo yo Mogolo o Fetoga Mohlanka wa Modimo

Juan Crispín

Moilamodimo yo Mogolo o Fetoga Mohlanka wa Modimo
  • O BELEGWE KA 1944

  • O KOLOBEDITŠWE KA 1964

  • PEGO YA BOPHELO BJA GAGWE Motho yo e kilego ya ba moilamodimo o hlanketše Jehofa ka potego ka nywaga e 50 e fetilego.

GE KE sa le lesogana, ke ile ka gakantšhwa ke lehloyo leo le bego le dutše le le gona bodumeding. Le gona ke be ke sa kwešiše lebaka leo ka lona Modimo a sa fedišego bodiidi le go hloka toka goba lebaka leo madumedi a mantši a sa phelego ka seo Beibele e se bolelago. Ka gona ke ile ka ba moilamodimo, ke ipotša gore borabele bja bopolotiki ke bjona feela bo ka lokišago lefase.

Ka 1962, ke ile ka thoma go bala makasine wa Phafoga! Ke moka ka 1963, ka dumela go ithuta Beibele le Dihlatse tša Jehofa. Seo ke ithutilego sona se nkgomile kudu. Ke ile ka lemoga gore ga se ra swanela go bea Modimo molato ka baka la ditiro tše sehlogo tša dihlopha tše dintši tša bodumedi ka ge a rerile go direla batho dilo tše dibotse. Dikgwedi tše pedi ka morago ga thuto ya ka ya mathomo, ke ile ka thoma  go botša ba bangwe gore Mmušo wa Modimo o tla fediša tshepedišo ye e kgopo. Ke kolobeditšwe ka 1964 gomme ka kgethwa go ba mmulamadibogo yo a kgethegilego ka 1966. Ke dumela gore therešo e phološitše bophelo bja ka ka gobane bontši bja bao e bego e le badirišanigotee le nna ba bafsa ba ile ba hwa ga sehlogo, ba golegwa goba ba swanelwa ke go tšhaba nageng ye. Ke leboga gore Jehofa o ile a fetoša nna yo ke bego ke le moilamodimo yo a se nago kholofelo gore ke be mohlanka wa Modimo yo a re holofetšago lefase le lefsa la toka.

Ngwanabo rena Crispín a swere borapedi bja mesong Bethele