Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Puku ya Ngwaga ya Dihlatse tša Jehofa ya 2015

 DOMINICAN REPUBLIC

Ke be ke Nyaka go Tlogela go Hlankela Modimo

Martín Paredes

Ke be ke Nyaka go Tlogela go Hlankela Modimo
  • O BELEGWE KA 1976

  • O KOLOBEDITŠWE KA 1991

  • PEGO YA BOPHELO BJA GAGWE Ge Martín a be a ithutela go ba moruti o ile a hwetša therešo. Ga e sa le go tloga ka nako yeo, o ile a thuša ba bantši go ba barapedi ba therešo.

KE GOLETŠE lapeng la bodumedi bja Katholika gomme ba be ba nyaka gore ke be moruti. Ka gona ge ke be ke na le nywaga e 12, ke ile ka dira dikhose tše tharo tša boruti moo ke bego ke rutwa ke baruti ba go fapafapana. Ka gona ka 1990, ge ke be ke na le nywaga e 14, ke ile ka laletšwa go se sengwe sa dikolo tše phagamego tša boruti mo nageng.

Ke be ke dira tšwelopele ka bjako gomme ka botšwa gore ge e ba nka šoma ka thata, ke tla ba mopišopo. Lega go le bjalo, ke ile ka nyama. Go e na le go ithuta Beibele, re be re ithuta filosofi ya batho. Le gona, baruti ba be ba gobogile. Ge ke be ke eba mohlaselwa wa tša thobalano, ke ile ka nyaka go tlogela go hlankela Modimo.

Ka yona nako yeo, banyalani ba bangwe ba baromiwa ba ile ba tla go ramatlotlo wa sekolong seo sa boruti gomme ba mo nea puku ya Dipotšišo tša Bafsa le Dikarabo tše Šomago. Ke ile  ka e adima gomme ka e bala go tloga mathomong go fihla mafelelong. Ke ile ka ipotša gore, ‘Se ke seo ke se nyakago.’ Ke ile ka tlogela sekolo sa boruti, ka thoma go ithuta le Dihlatse gomme ka thoma go ya dibokeng. Dikgwedi tše seswai ka morago, ka July 1991, ke ile ka kolobetšwa. Ke ile ka ba mmulamadibogo wa ka mehla gomme ka morago ka nyalana le kgaetšedi wa mmulamadibogo e lego María. Re ile ra thoma go hlankela re le babulamadibogo ba kgethegilego ka 2006. Go e na le go tlogela go hlankela Modimo, ga bjale ke thabela go thuša batho bao ba nyoretšwego therešo gore e be barapedi ba therešo.