Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Puku ya Ngwaga ya Dihlatse tša Jehofa ya 2015

Dominican Republic

Dominican Republic

KA 1492, Christopher Columbus o ile a sesa ka sekepe gomme a fihla mo re ka rego ke Lefaseng le Lefsa—dinaga tše di kgahlišago le tšeo di humilego. O ile a bitša se sengwe sa dihlakahlaka tšeo a ilego a fihlela go tšona gore ke La Isla Española, goba Hispaniola, seo ga bjale karolo ya sona e kgolo e lego Dominican Republic. Morago bjale, badudi ba diketekete ba Dominican Republic ba hweditše selo se se fapanago kgole le seo se hweditšwego ke Christopher Columbus—ba ithutile gore Mmušo wa Modimo o tlo tliša lefase le lefsa leo toko e tla agago go lona. (2 Pet. 3:13) Re tlo ithuta ka histori e kgahlišago ya batho ba dipelo tše dibotse bao e bilego bona ba mathomo ba go ithuta therešo ye ya bohlokwa nageng ye.

KAROLONG YE

Dintlhakgolo tša Dominican Republic

Ipshine ka go bala dintlhakgolo tša naga ye le ka batho ba moo.

Therešo e a Goroga

Go tšere lebaka le lekaaka’ng gore baromiwa ba mathomo kua Dominican Republic ba thome thuto ya Beibele?

“Re tlo ba Hwetša”

Ka morago ga lesolo la nywaga e 13, Pablo González o ile a hwetša batho bao a bego a ba tsoma.

Go Golegwa le go Thibelwa

Dihlatse tše dingwe di kgonne bjang go kgotlelela nywaga e mentši ya tlaišo e šoro kgolegong?

Modiro wa Boboledi o Tšwela Pele

Go e na le gore bagoeledi ba ngwale maeto a go boela le diiri dipegong tša bona, ba be ba ngwala lelokelelo la korosari leo le bego le akaretša dikhabetšhe le sepenetšhe.

Go Hwetša Tokologo le go Thibelwa Gape

Thibelo yeo e bego e beetšwe Dihlatse tša Jehofa ka nywaga e tshela kua Dominican Republic e ile ya tlošwa ka 1956, eupša ya bewa gape dikgwedi tše 11 ka morago ga moo.

Kereke ya Katholika le Trujillo

Kereke yeo e thekgilego mmušo o šoro wa Dominican ka nywaga e mentši, ga se ya fo o hlanogela eupša e bile e kgopetše tshwarelo go batho ba Dominican.

Tlhaselo e Šoro

Dihlatse di ile tša tšhošetšwa o šoro, eupša na tšhošetšo yeo e ile ya atlega?

Hlogo ke Mang?

Nakong ya thibelo, go be go dirišwa motšhene wa go dira dikopi, boleke bjo bogolo bja makhura, cassava le lesaka go tšweletša dijo tša moya le go di aba.

Go Ipea Kotsing ya go Golegwa

Gaešita le ge Dihlatse tša kua Dominican Republic di be di thibetšwe go swara diboka, di ile tša hwetša ditsela tša go tšwela pele ka diboka le go se tanywe.

Kgotlelelo e Tliša Tokologo

Ka morago ga nywaga e mentši di thibetšwe ke mmušo, Dihlatse tša kua Dominican Republic di ile tša hwetša thušo mothong yo di bego di sa mo nagana.

“Ke Lwele go Swana le Tau”

Luis Eduardo Montás, yo a lekilego gabedi go bolaya mmušanoši wa nageng ya gabo, o ile a hwetša therešo ya Beibele ge a be a nyakana le motho yo a ka mo thušago go bolaya mmuši yoo.

“Kholofelo ya Mmušo ga se Toro”

Efraín De La Cruz o ile a golegwa le go bethwa o šoro dikgolegong tše šupago ka baka la go bolela ditaba tše dibotse. O thušitšwe ke’ng go tšwela pele a le mafolofolo nywageng ya ka godimo ga e 60?

“Nka se Tlogele go ba yo Mongwe wa Dihlatse tša Jehofa”

Le ge moruti a ile a botša Mary Glass gore ge a ka bala Beibele o tlo gafa, o ile a no e bala gomme a bona lebaka la gore moruti a mo thibele go e bala.

Tokologo ya go Dira Boboledi

Ka morago ga go bolawa ga Trujillo, baromiwa ba oketšegilego ba ile ba fihla nageng ye gomme ba thoma go dira boboledi. Ganyenyane-ganyenyane ba ile ba kgona go dira gore batho ba kwešiše Dihlatse tša Jehofa.

Ga go na mo di Yago

Modiro wa boboledi o ile wa tšwela pele o atlega go sa šetšwe dintwa tša dipolotiki. Ke’ng seo se ilego sa tloga se bontšha gore Dihlatse tša Jehofa tša kua Dominican Republic ‘ga go na mo di yago’?

Go Nyakega Bagoeledi ba Oketšegilego

Re tla ba re se ra fetša ge re ka bolela ka histori ya Dihlatse tša Jehofa kua Dominican Republic eupša ra lebala go bolela ka bao ba ithaopetšego go yo bolela ditaba tše dibotse moo.

Di Rata Bana Babo Tšona

Ka morago ga gore Ledimo le Matla la Georges le hlasele Dominican Republic ka 1998, thušo e lerato ya Dihlatse e ile ya homotša ba bantši le go iša theto go Jehofa Modimo.

Go Swaragana le Koketšego

Ge palo ya Dihlatse e dutše e oketšega, ke’ng seo di ilego tša se dira go kgonthišetša gore di ba le mafelo a lekanego a borapedi, go akaretša le bana babo rena bao ba godilego tsebong bao ba swanetšego go etelela pele?

Tšhemo ya se-Creole sa Haiti

Dihlatse tša Jehofa di bolela molaetša wa Mmušo bathong bao ba bolelago se-Creole sa Haiti. Ge nako e dutše e eya, go hlongwa diphuthego e bile go swarwa diklase tša go ithuta leleme leo.

Tšhišinyego ya Lefase Kua Haiti

Ofisi ya lekala ya Dihlatse tša Jehofa ya Dominican Republic e ile ya thoma modiro o mogolo wa tlhakodišo ka morago ga tšhišinyego ya lefase ka 2010 kua Haiti. Baithaopi ba bantšintši ba ile ba thuša.

Bokamoso bjo bo Kgahlišago

Modiro wa boboledi le wa go dira barutiwa Dominican Republic o tšwa kgole ga e sa le go tloga ka 1945. Re na le mabaka ka moka a go lebelela pele bokamosong bjo bo kgahlišago.

Jehofa o Butše Dipelo tša Batho ba Bantši

Nakong ya ge Leonardo Amor a be a le kua La Vega, ga go na motho yo a ilego a kgahlegela therešo ya Beibele. Na boemo bja dipelo tša batho bo be bo tla tsoga bo fetogile?

Batho ba Masomepedi-pedi ba Ile ba Tlogela Kereke

Go be go thwe Dihlatse tša Jehofa di aroša batho ba motse ka “dithuto tše mpe.” Go e na le moo, Dihlatse di be di diriša ditemana tša Beibele go nea batho dikarabo tše di kgotsofatšago.

Moilamodimo yo Mogolo o Fetoga Mohlanka wa Modimo

Juan Crispín e be e le moilamodimo yo a bego a ipotša gore borabele bo ka dira lefase lefelo le lekaone. Ke’ng seo se fetošitšego moilamodimo yo gore e be mohlanka wa Modimo?

Motho wa Pele wa Sefoa wa go Amogela Therešo

José Pérez e be e le Hlatse ya pele ya sefoa kua Dominican Republic. Go tlile bjang gore José a kgone go “kwa” molaetša wa Beibele le go kwešiša dithuto tša yona ka botlalo?

Go Hwetša Morero Bophelong

José Estévez le lapa la gagwe ba hweditše morero wa kgonthe bophelong. Ba iponetše bjang ka noši gore Jehofa ke Mophethagatši wa dikholofetšo tša gagwe?

Ke be ke Nyaka go Tlogela go Hlankela Modimo

Le ge Martín Paredes a be a ithutela go ba moruti, o be a nyaka go tlogela go hlankela Modimo. Puku yeo a ilego a e adima go ramatlotlo sekolong sa boruti e fetotše bjang monagano wa gagwe?