Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

Puku ya Ngwaga ya Dihlatse tša Jehofa ya 2014

 SIERRA LEONE LE GUINEA

Mekgatlo ya ka Sephiring

Mekgatlo ya ka Sephiring

MEKGATLO ya ka sephiring e tletše gohle kua Afrika Bodikela e bile e bopša ke batho ba merafo yohle, ditšo le maleme. Mekgatlo ye e laola ditaba tša ditho tša yona tša leago, tša thuto le tša bopolotiki. Lega go le bjalo, selo se segolo go tšona ke bodumedi. Mekgatlo e mebedi e megolo go e feta ka moka ke wa Poro (wa banna) le wa Sande (wa basadi). * Ka mohlala, mokgatlo wa Poro o katanela “go laola meoya le go kgonthišetša gore go tsena ga yona ditaba gare ditabeng tša banna go ba le mafelelo a mabotse.”—Go ya ka puku ya Initiation, 1986.

Ditho tše mpsha tša mokgatlo wa Poro di rutwa diphiri tša go dirišana le meoya le matla a boloi e bile di kgaiwa maswao a ditirelo tša ona mo mebeleng. Ditho tše mpsha tša mokgatlo wa Sande le tšona di rutwa ditirelo tša go dirišana le meoya e bile ka tlwaelo di ripša karolo e itšego ya setho sa bosadi, gaešita le ge mokgwa wo o ile wa kgaotšwa mafelong a mangwe.

Mekgatlo e mengwe ya ka sephiring e laola ditaba tša botona le botshadi gare ga ditho tša yona e bile e diriša dihlare tša boloi go leka go alafa bogaswi goba malwetši a mangwe. Nakong ya ntwa ya selegae kua Sierra Leone, mokgatlo o mongwe wa ka sephiring o ile wa re ditho tša wona di ka se bolawe ke dikolo tša sethunya. Eupša dikolo tšeo di ile tša ba rothotha!

Ditho tša mekgatlo ye ga se tša dumelelwa go botša batho ba bangwe diphiri tša yona le ditirelo. Yo a tshelago melao ya yona gomme a utolla diphiri tša yona, a ka bolawa.

^ ser. 3 Ditikologong tše dingwe, mokgatlo wa Sande o tsebja e le Bondo.