Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Puku ya Ngwaga ya Dihlatse tša Jehofa ya 2014

Sierra Leone le Guinea

Sierra Leone le Guinea

MO E ka bago nywaga e 500 e fetilego, sehlare se senyenyane sa leokodi se ile sa mela kgauswi le Noka ya Sierra Leone gomme sa tšweletša leokodi. Ka nywaga e 300, sehlare se se ile sa gola kudu go dutše go direga masetlapelo pele ga sona. Babapatši ba sehlogo ba makgoba ba ile ba romela banna, basadi le bana ba e ka bago ba 150 000 dinageng dišele ka dikepe gore ba yo ba rekiša e be makgoba.

Sehlare sa Leokodi sa kgale kua Freetown

 Ka March 11, 1792, makgoba a makgolo a Maamerika ao a bego a lokolotšwe a ile a kgobokana ka tlase ga Sehlare seo sa Leokodi go keteka go bušetšwa Afrika. Letšatšing leo a ile a thea motse woo o bego o tla a nea kholofelo, e lego motse wa Freetown. Makgoba ao a lokolotšwego a ile a tšwela pele go goroga go fihlela motse wo o na le merafo ya ka godimo ga e 100 ya Maafrika. Badudi ba ba bafsa ba ile ba tšea Sehlare seo sa Leokodi e le leswao la tokologo le kholofelo.

Mo e nyakilego go ba ka nywaga e 100, Dihlatse tša Jehofa kua Sierra Leone di be di dutše di botša baagišani ba tšona gore go tla ba le tokologo ya kgonthe—e lego “tokologo ya letago ya bana ba Modimo.” (Baroma 8:21) Tokologo ye e tla bolela go lokologa bokgobeng bja sebe le lehu ge Mmušo wa Modimo ka Mesia o tliša khutšo le Paradeise mo lefaseng.—Jes. 9:6, 7; 11:6-9.

Nywageng ya ka godimo ga e 50 e fetilego, ofisi ya lekala ya Dihlatse tša Jehofa kua Sierra Leone e be e dutše e okamela le modiro wa go nea bohlatse kua Guinea. Naga ye ya kgauswi le Sierra Leone e ile ya lebeletšana le khuduego ya dipolotiki, ya leago le ya tša boiphedišo, gomme seo sa dira gore badudi ba yona ba bantši ba amogele molaetša o kgothatšago wa Beibele.

Dihlatse tša Jehofa tša Sierra Leone le Guinea di ile tša phatlalatša ditaba tše dibotse gaešita le ge di be di lebeletšane le mathata a mantši. Mathata ao a be a akaretša go tlaišwa mmeleng, bodiidi bjo šoro, go se tsebe go bala le go ngwala, ditumelo tšeo di tsemilego medu, dikarogano tša semorafo le bošoro bjo bo šiišago. Diphihlelo tše di latelago di hlatsela gore bahlanka ba ba Jehofa bao ba botegago ba be ba na le tumelo e matla e bile ba ineetše ka mo go feletšego. Re holofela gore phihlelo ya bona e tla go kgoma pelo le go tiiša tumelo ya gago go “Modimo yo a neago kholofelo.”—Baroma 15:13.

KAROLONG YE

Dintlhakgolo tša Sierra Leone le Guinea

Ithute ka mo go oketšegilego ka dinaga tše, batho ba gona, bodumedi le leleme la bona.

1915-1947 Mehleng ya Pele (Karolo 1)

Ka 1915, mohlanka wa Jehofa wa mathomo yo a kolobeditšwego o ile a fihla Freetown. Batho ba bantši ba be ba thabela molaetša wa Beibele.

1915-1947 Mehleng ya Pele (Karolo 2)

Baruti ba be ba rerile go tswalela batho ba Modimo melomo, eupša Jehofa ‘o ile a dira gore ditiro tša bona tše mpe di boele godimo ga bona.’

1915-1947 Mehleng ya Pele (Karolo 3)

Phuthego ya Freetown e ile ya “swarega kudu ka lentšu.”

“Pele Ngwaga wo o Fela, o tla be o Hwile”

Zachaeus Martyn o be a sepela dikhilomithara tše seswai gabedi mo bekeng a theoga le go rotoga thabeng gore a be gona dibokeng tša Dihlatse tša Jehofa. Ke’ng seo se bego se mo kgodišitše gore o hweditše therešo ya Beibele?

Ba be ba Mmitša “Bible” Brown

William R. Brown o ile a nea bohlatse Dihlakahlakeng ka moka tša Caribbean le kua Afrika Bodikela. Ithute lebaka leo a bego a nagana gore o bile le e nngwe ya ditokelo tše kgolo kudu tšeo motho a ka bago le tšona.

1945-1990 ‘Go Tliša ba Bantši go Lokeng’—Dan. 12:3. (Karolo 1)

Modiro wa boboledi o be o tlo katološwa kudu. Baromiwa ba ile ba romelwa gore ba yo thuša ka modiro.

Ba be ba Nyaka go e Bogela

Ka 1956, filimi ya ‘The New World Society in Action’ e ile ya bontšhwa batho kua Freetown, Sierra Leone. Na go na le bao ba bego ba tla tla go e bogela?

1945-1990 ‘Go Tliša ba Bantši go Lokeng’—Dan. 12:3. (Karolo 2)

Dihlatse tša Jehofa kua Sierra Leone di tsebja kudu e le batho bao ba hlomphago lenyalo.

1945-1990 ‘Go Tliša ba Bantši go Lokeng’—Dan.12:3. (Karolo 3)

Ke ka baka la’ng boradipolotiki ba mokgatlo wa Poro ba ile ba tliša dingongorego kgorong tša gore modiro wa Dihlatse tša Jehofa o thibelwe?

Mekgatlo ya ka Sephiring

Mekgatlo ya ka sephiring yeo e atilego kua Afrika Bodikela e na le tutuetšo efe maphelong a basadi le banna ba moo?

1945-1990 ‘Go Tliša ba Bantši go Lokeng’—Dan. 12:3. (Karolo 4)

Diphuthego di be di swara diklase tša go ithuta go bala le go ngwala gore di thuše batho go gola moyeng. Ge batho ba oketšegilego ba be ba ithutile go bala, go ile gwa nyakega bafetoledi ba oketšegilego.

Dipetšhe tša Kopano e be e le Dipaseporoto tša Rena

Baeng ba ile ba feta bjang mollwaneng wa Guinea gore ba be gona kopanong ba se na mangwalo a molao goba dipaseporoto?

Jehofa o Nthušitše

Jay Campbell yo a swerwego ke bolwetši bja polio o be a nyaka go ya thutong ya Beibele ya phuthego. O ile a re o tla tla a sepela ka dikota tša gagwe. Na o ile a kgona?

1991-2001 ‘Sebešong sa Tlaišo’—Jes. 48:10 (Karolo 1)

Go sa šetšwe ntwa, Dihlatse le batho ba bangwe ba ile ba hwetša thušo ya nama le khomotšo ya moya. Ba thušitšwe ke’ng go ba le matla le sebete?

1991-2001 ‘Sebešong sa Tlaišo’—Jes. 48:10 (Karolo 2)

Nakong yeo ya mathata, Dihlatse tša Jehofa di ile tša ‘tšwela pele di sa kgaotše di ruta e bile di tsebatša ditaba tše dibotse.’

Mošemanyana wa Lešole o Fetoga Mmulamadibogo wa ka Mehla

Mošemane yo mongwe yoo e lego lešole la marabele o gopola tsela e borutho yeo a ilego a amogelwa ka yona ge a be a eya dibokeng tša Dihlatse tša Jehofa. O ile a tutuetšwa ke’ng gore a fetole mekgwa ya gagwe?

Re Phonyokgile Mašole a Marabele

Go sa šetšwe ntwa le dikgohlano kua Pendembu, go tlile bjang gore Dihlatse tše mmalwa di se bolawe nakong ya ntwa ya 1991?

Monna wa le-Watchtower

Yo mongwe wa Dihlatse tša Jehofa o be a sepediša dikgatišo tša mokgatlo nakong ya ntwa ya selegae. O be a kgona bjang go sepediša dikgatišo tšeo le dilo tše dingwe go tloga Freetown go ya Conakry, Guinea?

Selo se Sekaone go Phala Ditaamane

Tamba Josiah o be a šoma moepong wa taamane pele e eba Hlatse ya Jehofa. Ke ka baka la’ng a ikwa eka o hweditše selo se sengwe se sekaone go feta ditaamane?

2002-2013 Ditiragalo tša Morago Bjale (Karolo 1)

Ka morago ga ntwa ya selegae, diphuthego di ile tša hlongwa, Diholo tša Mmušo tša agwa gomme babulamadibogo bao ba kgethegilego ba ile ba abelwa go yo hlankela moo go nago le Dihlatse tše mmalwa.

2002-2013 Ditiragalo tša Morago Bjale (Karolo 2)

Lehono Dihlatse tša Jehofa dinageng tšeo tše pedi di kgodišegile gore batho ba bantši ba tla amogela ditaba tše dibotse tša Mmušo.

Ke be ke Ikemišeditše go Hlankela Jehofa

Philip Tengbeh le mosadi wa gagwe ba ile ba tšhaba ge mašole a marabele a thopa motse wa gabo bona kua Koindu. Ba ile ba thuša go aga Diholo tša Mmušo tše hlano le ge ba be ba dula dikampeng tša bafaladi.

Ke Ile ka Rata Sierra Leone

Cindy McIntire o ile a hlankela e le moromiwa mo Afrika go tloga ka 1992. O anega seo se dirilego gore a tloge a rata go dira boboledi kua Sierra Leone.