Eya go dikagare

Eya go menyu wa bobedi

Dihlatse tša Jehofa

Sepedi

Na Tlaišego e tla ka ya Fela?

Na Tlaišego e tla ka ya Fela?

Na o ka re . . .

  • ee?

  • aowa?

  • mohlomongwe?

 SEO BEIBELE E SE BOLELAGO

“Modimo . . . o tla phumola megokgo ka moka mahlong a bona gomme go ka se hlwe go sa ba le lehu, tlaišego, go lla le bohloko.” —Kutollo 21:3, 4, Contemporary English Version.

KAMOO SEO SE KA GO HOLAGO KA GONA

O ka kgodišega gore Modimo ga a re bakele mathata.—Jakobo 1:13.

O ka homotšwa ke go tseba gore Modimo o re kwela bohloko ge re tlaišega.—Sakaria 2:8.

O ka ba le kholofelo ya gore tlaišego ka moka e tla fela.—Psalme 37:9-11.

 NA RURI RE KA DUMELA SEO BEIBELE E SE BOLELAGO?

Ee, e re re nee mabaka a mabedi feela:

  • Modimo o hloile tlaišego le go hloka toka. Ela hloko kamoo Jehofa Modimo a ilego a ikwa ka gona ge batho ba gagwe mehleng ya Beibele ba be ba swarwa ka tsela e sehlogo. Beibele e re o ile a kwa bohloko ka baka la “bao ba bego ba ba hlakiša.”—Baahlodi 2:18, Phetolelo ya Lefase le Lefsa.

    Modimo o galefišwa ke batho bao ba kwešago ba bangwe bohloko. Ka mohlala, Beibele e re o šišimišwa ke “diatla tšeo di tšhollago madi a se nago molato.” —Diema 6:16, 17.

  • Modimo o na le taba le yo mongwe le yo mongwe wa rena. Ga se feela motho yo a tsebago “mohlako wa gagwe le bohloko bja gagwe,” eupša le Jehofa o a e tseba! 2 Dikoronika 6:29, 30.

Jehofa ka Mmušo wa gagwe o tla fediša tlaišego ya motho yo mongwe le yo mongwe kgauswinyane. (Mateo 6:9, 10) Eupša ga bjale o homotša ka boleta bao ba mo tsomago ka potego.—Ditiro 17:27; 2 Bakorinthe 1:3, 4.

 SEO O KA NAGANIŠIŠAGO KA SONA

Ke ka baka la’ng Modimo a dumelela tlaišego?

Beibele e araba potšišo ye go BAROMA 5:12 le 2 PETRO 3:9.