Eya go dikagare

Eya go menyu wa bobedi

Dihlatse tša Jehofa

Sepedi

O Nagana’ng ka Bokamoso?

O Nagana’ng ka Bokamoso?

Na lefase la rena . . .

  • le tla dula le le ka tsela ye?

  • le tla mpefala le go feta?

  • le tla kaonefala?

 SEO BEIBELE E SE BOLELAGO

“Modimo . . . o tla phumola megokgo ka moka mahlong a bona gomme lehu le ka se hlwe le sa ba gona, le ge e le manyami goba sello goba bohloko di ka se hlwe di sa ba gona. Dilo tša pele di fetile.”—Kutollo 21:3, 4, Phetolelo ya Lefase le Lefsa.

KAMOO SEO SE KA GO HOLAGO KA GONA

Go tla ba le mošomo o nago le morero le wo o kgotsofatšago.—Jesaya 65:21-23.

Go ka se sa ba le malwetši le tlaišego ya mohuta le ge e le ofe.—Jesaya 25:8; 33:24.

Re tla phela bophelo bjo bo thabišago le bja sa ruri re na le ba lapa le bagwera.—Psalme 37:11, 29.

 NA RURI RE KA DUMELA SEO BEIBELE E SE BOLELAGO?

Ee, e re re nee mabaka a mabedi feela:

  • Modimo o na le bokgoni bja go phethagatša seo a se holofeditšego. Ka Beibeleng, ke Jehofa Modimo feela yo a bitšwago “Ramatlaohle,” ka ge a na le matla ao a sa lekanyetšwago. (Kutollo 15:3) Ka baka leo, ruri o tla phethagatša kholofetšo ya gagwe ya gore o tla fetoša lefase gore e be le lekaone. Go etša ge Beibele e bolela, “go Modimo dilo tšohle di a kgonega.”—Mateo 19:26.

  • Modimo o fela pelo ya go phethagatša dikholofetšo tša gagwe. Ka mohlala, Jehofa o ‘hlologetše’ go tsoša bahu.—Jobo 14:14, 15.

Le gona Beibele e re Morwa wa Modimo, e lego Jesu, o be a fodiša balwetši. Ke ka baka la’ng a ile a dira bjalo? Ka gobane o be a rata. (Mareka 1:40, 41) Ge Jesu a be a thuša ka go rata bao ba hlokago thušo, o ile a bonagatša semelo sa Tatagwe ka mo go phethagetšego.—Johane 14:9.

Ka gona re ka kgodišega gore Jehofa le Jesu ba nyaka go re thuša gore re tle re ipshine ka bokamoso bjo bo thabišago!—Psalme 72:12-14; 145:16; 2 Petro 3:9.

 SEO O KA NAGANIŠIŠAGO KA SONA

Modimo o tla kaonefatša lefase la rena bjang?

Beibele e araba potšišo ye go MATEO 6:9, 10 le DANIELE 2:44.