Dipeakanyo tša go bula

Kgetha leleme

Eya go menyu wa bobedi

Eya go dikagare

Dihlatse tša Jehofa

Sepedi

Mmušo wa Modimo ke Eng?

Mmušo wa Modimo ke Eng?

Na o ka re . . .

  • ke selo seo se lego ka pelong ya gago?

  • e fo ba polelwana?

  • ke pušo yeo e lego legodimong?

 SEO BEIBELE E SE BOLELAGO

“Modimo wa legodimo o tla hloma mmušo wo o ka se kego wa fedišwa.”—Daniele 2:44, Phetolelo ya Lefase le Lefsa.

“Re neilwe morwa; pušo e tla ba legetleng la gagwe.”—Jesaya 9:6.

KAMOO SEO SE KA GO HOLAGO KA GONA

  • Pušo ya go loka yeo e ka holago wena ka bowena.—Jesaya 48:17, 18.

  • Lefaseng le lefsa le le tlago, o tla phela bophelo bjo bo phethagetšego mmeleng le go thaba.—Kutollo 21:3, 4.

 NA RURI RE KA DUMELA SEO BEIBELE E SE BOLELAGO?

Ee, e re re nee mabaka a mabedi feela:

  • Jesu o bontšhitše seo Mmušo wa Modimo o tlago go se fihlelela. Jesu o rutile balatedi ba gagwe go rapelela Mmušo wa Modimo gore o tle le gore thato ya Modimo e dirwe mo lefaseng. (Mateo 6:9, 10) Jesu o bontšhitše kamoo thapelo yeo e tlago go arabja ka gona.

    Ge Jesu a be a le mo lefaseng, o ile a fepa bao ba bego ba swerwe ke tlala, a fodiša balwetši le go tsoša bahu! (Mateo 15:29-38; Johane 11:38-44) Ka ge Jesu e le Mmuši wa nakong e tlago Mmušong wa Modimo, o neile ponagatšo e botse kudu ya seo Mmušo woo o tlago go se direla balata ba wona.—Kutollo 11:15.

  • Maemo a lefase a kgonthišetša gore Mmušo wa Modimo o tla tla kgauswinyane. Jesu o boletše e sa le pele gore pejana ga ge Mmušo wo o ka tliša khutšo mo lefaseng, lefase la rena le tla ba le tletše ka dintwa, ditlala le ditšhišinyego tša lefase.—Mateo 24:3, 7.

    Dilo tšeo re di bona gabotse lehono. Ka gona re ka kgodišega gore kgauswinyane Mmušo wa Modimo o tla fediša mathata ao ka moka.

 SEO O KA NAGANIŠIŠAGO KA SONA

Bophelo bo tla ba bjang ka tlase ga pušo ya Mmušo wa Modimo?

Beibele e araba potšišo yeo go PSALME 37:29 le JESAYA 65:21-23.

Ithute ka mo go oketšegilego

Khutšo Lefaseng—E tla ba Gona Bjang?

Ithute kamoo Modimo a holofetšago go tliša khutšo lefaseng ka Mmušo wa gagwe.

Morero wa Modimo ka Lefase ke Ofe?

Beibele e hlalosa lebaka leo Modimo a bopilego lefase, tlaišego e tla fela neng, gomme bokamoso ke bofe ka lefase le bao ba dulago go lona.