Dipeakanyo tša go bula

Kgetha leleme

Eya go menyu wa bobedi

Eya go dikagare

Dihlatse tša Jehofa

Sepedi

Ge e le Gabotse ke Mang yo a Laolago Lefase?

Ge e le Gabotse ke Mang yo a Laolago Lefase?

Na o nagana gore ke . . .

  • Modimo?

  • batho?

  • mothotsoko?

 SEO BEIBELE E SE BOLELAGO

“Lefase ka moka le laolwa ke Yo Kgopo.”—1 Johane 5:19.

“Morwa wa Modimo o tletše . . . go fediša modiro wa diabolo.” —1 Johane 3:8, New Century Version.

KAMOO SEO SE KA GO HOLAGO KA GONA

O ka hwetša tlhaloso e kwagalago ya sebaki sa mathata ao a lego gona mo lefaseng.—Kutollo 12:12.

O ka ba le lebaka la go dumela gore lefase la rena le tla kaonefala.—1 Johane 2:17.

 NA RURI RE KA DUMELA SEO BEIBELE E SE BOLELAGO?

Ee, e re re nee mabaka a mararo feela:

  • Pušo ya Sathane e ka se tsoge e atlegile. Jehofa o ikemišeditše go dira gore Sathane a se sa hlwa a laola batho. O holofeditše ‘go fediša Diabolo,’ le go lokiša sa ruri tshenyo ka moka yeo Sathane a e bakilego.—Baheberu 2:14, Phetolelo ya Lefase le Lefsa.

  • Modimo o kgethile Jesu Kriste gore e be yena a tlago go buša lefase. Jesu o fapane kudu le babuši ba sehlogo le bao ba nago le boithati ba lefase le. Modimo o holofeditše mabapi le pušo ya Jesu gore: “O tla kwela mmotlana le modiidi bohloko . . . O tla lopolla moya wa bona kgatelelong le bošorong.”—Psalme 72:13, 14.

  • Modimo a ka se bolele maaka. Beibele e bolela phaa gore: ‘Ga go kgonege gore Modimo a aketše.’ (Baheberu 6:18) Ge Jehofa a holofetša go dira selo se itšego, go fo swana le gore o šetše a se dirile! (Jesaya 55:10, 11) “Mmuši wa lefase le o tla lahlelwa ntle.”—Johane 12:31.

 SEO O KA NAGANIŠIŠAGO KA SONA

Lefase le tla ba bjang ge mmuši wa lona a fedišitšwe?

Beibele e araba potšišo ye go PSALME 37:10, 11 le KUTOLLO 21:3, 4.

Ithute ka mo go oketšegilego

Morero wa Modimo ka Lefase ke Ofe?

Beibele e hlalosa lebaka leo Modimo a bopilego lefase, tlaišego e tla fela neng, gomme bokamoso ke bofe ka lefase le bao ba dulago go lona.