Dipeakanyo tša go bula

Kgetha leleme

Eya go menyu wa bobedi

Eya go dikagare

Dihlatse tša Jehofa

Sepedi

Ke’ng Seo se Dirago Gore Bophelo bja Lapa bo Thabiše?

Ke’ng Seo se Dirago Gore Bophelo bja Lapa bo Thabiše?

Na o nagana gore ke . . .

  • lerato?

  • tšhelete?

  • selotsoko?

 SEO BEIBELE E SE BOLELAGO

Go thaba bao ba kwago lentšu la Modimo gomme ba le boloka!” —Luka 11:28, Phetolelo ya Lefase le Lefsa.

KAMOO SEO SE KA GO HOLAGO KA GONA

O ka hwetša lerato la kgonthe.—Baefeso 5:28, 29.

O ka hwetša tlhompho e tseneletšego.—Baefeso 5:33.

O ka hwetša tšhireletšego ya kgonthe.—Mareka 10:6-9.

 NA RURI RE KA DUMELA SEO BEIBELE E SE BOLELAGO?

Ee, e re re nee mabaka a mabedi feela:

  • Modimo ke Mothomi wa lapa. Beibele e re “lapa le lengwe le le lengwe legodimong le lefaseng le [bitšwa] ka” Jehofa Modimo. (Baefeso 3:14, 15) Ka mantšu a mangwe, lapa le bile gona ka baka la Jehofa. Ke ka baka la’ng seo se le bohlokwa?

    Ela hloko mohlala wo: Ge o ka ba o eja dijo tše di rothišago mare gomme wa nyaka go tseba metswako yeo e dirišitšwego, o tla botšiša mang? Ka tlwaelo o tla botšiša motho yo a di apeilego.

    Ka mo go swanago, gore re tsebe seo se dirago gore bophelo bja lapa bo thabiše, re swanetše go botšiša Jehofa, yena Mothomi wa lapa.—Genesi 2:18-24.

  • Modimo o na le taba le wena. Go bohlokwa gore malapa a tsome tlhahlo ya Jehofa yeo a e neago ka Lentšu la gagwe. Ka baka la’ng? ‘Ka gobane o a re hlokomela.’ (1 Petro 5:6, 7) Jehofa o go kganyogela tše dibotse—e bile ka mehla keletšo ya gagwe e a hola!—Diema 3:5, 6; Jesaya 48:17, 18.

 SEO O KA NAGANIŠIŠAGO KA SONA

O ka dira’ng gore o be monna yo mobotse, mosadi yo mobotse goba motswadi yo mobotse?

Beibele e araba potšišo ye go BAEFESO 5:1, 2 le BAKOLOSE 3:18-21.

Ithute ka mo go oketšegilego

Lapa la Gago le ka Thaba

O ka ba le lenyalo le lapa le thabilego ka go diriša melao ya motheo ya Beibele.