Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

Mmušo wa Modimo o a Buša!

Ka go le letshadi: Kopano yeo e bego e swaretšwe ka ntle kua London, Engelane, ka 1945; ka go le letona: Kopano ya letšatši le le kgethegilego kua Malawi, Afrika, ka 2012

 KAROLO 5

Thuto ya Mmušo wa Modimo—Go Tlwaetša Bahlanka ba Kgoši

Thuto ya Mmušo wa Modimo—Go Tlwaetša Bahlanka ba Kgoši

 O MYEMYELA ka lethabo ge seboledi seo se lego sethaleng se dutše se nea polelo. Ke ngwanabo rena yo mofsa go tšwa phuthegong ya geno, gomme o nea polelo ya gagwe ya mathomo kopanong. Ge o dutše o theeditše polelo ya gagwe, o ikwa o thaba le go makatšwa ke tlwaetšo yeo batho ba Modimo ba e hwetšago. O gopola polelo ya gagwe ya mathomo phuthegong ya geno gomme o lemoga tšwelopele e kgolo yeo a e dirilego! O ile a dira tšwelopele e kgolo kudu ka morago ga go tlwaetšwa Sekolong sa Tirelo ya Bobulamadibogo. Morago bjale, yena le mosadi wa gagwe ba thabetše go ba gona Sekolong sa Baebangedi ba Mmušo. Ge o dutše o opa magofsi ka morago ga polelo e matla ya ngwanabo rena yo, o lebelela batheetši go go dikologa gomme wa nagana ka thuto yeo batho ba Modimo ka moka ba e hwetšago.

Beibele e boletše e sa le pele ka nako yeo ka yona batho ba Modimo ka moka ba tlago go ‘rutwa ke Jehofa.’ (Jes. 54:13) Re phela nakong yeo. Ga re hwetše thuto ka dikgatišo tša rena feela eupša re e hwetša le ka diboka tša rena, dikopano tše dikgolo le tše dinyenyane gotee le ka dikolo tše di fapafapanego tšeo di hlametšwego go re thuša go phetha dikabelo tše itšego ka mokgatlong wa Jehofa. Karolong ye, re tlo ahlaahla kamoo thuto yeo e neago bohlatse bjo matla bja gore Mmušo wa Modimo o a buša lehono.

KAROLONG YE

KGAOLO 16

Go Bokana Gotee Bakeng sa Borapedi

Re ka holwa bjang ka botlalo ke diboka tšeo go tšona re rapelago Jehofa?

KGAOLO 17

Go Tlwaetša Bagoeledi ba Mmušo wa Modimo

Dikolo tša pušo ya Modimo di lokišeleditše bjang bagoeledi ba Mmušo go phetha dikabelo tša bona?