Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Mmušo wa Modimo o a Buša!

Ka go le letshadi: Ditlabakelo tša tlhakodišo tše di tšwago Switzerland gomme di rometšwe bana babo rena kua Jeremane, ka 1946; ka go le letona: Bana babo rena ba tsošološa Holo ya Mmušo kua Japane ka morago ga go senywa ke tsunami, ka 2011

 KAROLO 6

Thekgo ya Mmušo wa Modimo—Go Aga Mafelo a Borapedi le go Nea Thušo ya Tlhakodišo

Thekgo ya Mmušo wa Modimo—Go Aga Mafelo a Borapedi le go Nea Thušo ya Tlhakodišo

 O TSENA ka Holong ya geno ya Mmušo gomme o nagana gore o lahlegile. O be o dutše o ikgantšha ka yona. Le gona go ka direga gore e go gopotša dilo tše dintši tše dibotse tša ge le be le sa e aga nywageng e mmalwa e fetilego. Eupša gona bjale o ikgantšha ka yona le go feta ka gobane Holo ye ya geno ya Mmušo e fetošitšwe lefelo la nakwana la tlhakodišo. Ka morago ga gore ledimo le bake mafula le go senya tikologo ya gabo lena o šoro, gateetee Komiti ya Lekala e ile ya rulaganya gore bao ba kgomilwego ke masetlapelo ao ba newe dijo, diaparo, meetse a hlwekilego le thušo e nngwe. Ditlabakelo tša tlhakodišo di pakilwe gabotse ka Holong ye ya geno. Bana babo rena le dikgaetšedi ba tla moo gomme ba tšea dilo tšeo ba di hlokago, e bile o bona ba bantši ba bona ba iphomola megokgo ya lethabo.

Jesu o itše leswao le legolo leo balatedi ba gagwe ba bego ba tla tsebja ka lona ke ge ba ratana. (Joh. 13:34, 35) Karolong ye, re tlo bona kamoo Dihlatse tša Jehofa di bontšhago lerato la Bokriste medirong ya tšona ya go aga le ya tlhakodišo. Lerato le bjalo ke bohlatse bjo matla bja gore re phela ka tlase ga pušo ya Jesu.

KAROLONG YE

KGAOLO 18

Kamoo Mediro ya Mmušo e Thekgwago ka Ditšhelete

Tšhelete yeo e tšwa kae? Gona e dirišwa bjang?

KGAOLO 19

Modiro wa go Aga wo o Godišago Jehofa

Mafelo a borapedi a godiša Modimo, eupša go na le seo a se tšeelago godimo kudu go feta mafelo ao.

KGAOLO 20

Modiro wa Tlhakodišo

Re tseba bjang gore modiro wa tlhakodišo ke karolo ya tirelo ya rena e kgethwa go Jehofa?