Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

Mmušo wa Modimo o a Buša!

Ka go le letshadi: Lapa la Bethele ya Brooklyn le ketekile Keresemose ya mafelelo ka 1926; ka go le letona: Batho ba a bona gore Dihlatse tša Jehofa ga di swane le batho ba bangwe

 KAROLO 3

Ditekanyetšo tša Mmušo—Go Tsoma Toko ya Modimo

Ditekanyetšo tša Mmušo—Go Tsoma Toko ya Modimo

 O EMIŠETŠA moagišani wa gago letsogo ge o iphetela. O lemogile gore morago bjale o be a šeditše wena le lapa la gago. Le yena o go emišetša letsogo ke moka a go bitša. O re go wena: “Ke kgopela go botšiša? Ke’ng seo se dirago gore le fapane le batho ba bangwe?” Ke moka wena o mmotšiša gore: “O ra go re’ng?” O re go wena: “Akere le Dihlatse tša Jehofa. Ga le swane le batho ba bangwe. Le fapane kudu le madumedi a mangwe—ga le keteke matšatši a maikhutšo e bile ga le tšee karolo dipolotiking le dintweng. Ga le kgoge. Le gona malapa a lena a itshwere gabotse. Ke’ng seo se dirago gore le fapane gakaakaa le batho ba bangwe?”

O a tseba gore karabo e molaleng: Re phela ka go ikokobeletša pušo ya Mmušo wa Modimo. Ka ge Jesu e le Kgoši ya rena, o dula a re hlwekiša. O re thuša go sepela dikgatong tša gagwe gomme seo sa dira gore re se swane le lefase le le kgopo. Karolong ye, re tlo ithuta kamoo Mmušo wa Mesia o bego o dutše o hlwekiša batho ba Modimo moyeng, boitshwarong le tseleng yeo dilo di bego di dirwa ka yona ka phuthegong le ka mokgatlong, e le gore Jehofa a tagafatšwe.

KAROLONG YE

KGAOLO 10

Kgoši e Hlwekiša Batho ba Yona Moyeng

Keresemose le sefapano di swana ka’ng?

KGAOLO 11

Go Hlwekišwa Boitshwarong—Go Bonagatša Bokgethwa bja Modimo

Mafelo a bahlapetši le dikgoro tša tempele ya ponong ya Hesekiele di bile le seo di se bolelago ka mo go kgethegilego go batho ba Modimo ga e sa le go tloga ka 1914.

KGAOLO 12

Go Rulaganyetšwa go Hlankela “Modimo wa Khutšo”

Beibele ga e fapanye tlhakatlhakano le thulaganyo, eupša e e fapanya le khutšo. Ka baka la’ng? Gona karabo ya potšišo ye e kgoma Bakriste bjang lehono?