Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Mmušo wa Modimo o a Buša!

Ka go le letshadi: Ngwanabo rena o swarelwa go bolela ditaba tše dibotse kua Eindhoven, Netherlands, ka 1945; ka go le letona: Na nageng ya geno mmušo o le dumeletše go bolela ditaba tše dibotse?

 KAROLO 4

Diphenyo tša Mmušo wa Modimo—Go Thea Ditaba tše Dibotse ka Molao

Diphenyo tša Mmušo wa Modimo—Go Thea Ditaba tše Dibotse ka Molao

 GE LE dutše le bolela ditaba tše dibotse ka ntlo le ntlo, le kwa alamo ya koloi ya maphodisa e llela kgojana. Le kwa modumo wa yona o kwalela kgauswi ganyenyane-ganyenyane. Ge o thoma go boledišana le mong wa ntlo yo mongwe, mogoeledi yo o sepelago le yena o a šitišega ge a bona koloi ya maphodisa e ema ka thoko ga tsela. Lephodisa le tšwa ka koloing gomme la tla go lena ke moka la le botšiša gore: “Na ke lena le bego le dutše le tsena ka ntlo le ntlo le bolela le batho ka Beibele? Re kwa batho ba lla ka lena!” Ke moka le araba lephodisa leo ka tlhompho le go le botša gore le ba bangwe ba Dihlatse tša Jehofa. Ke’ng seo se tlago go direga ka morago ga moo?

Karabo e ithekgile kudu ka tsela yeo Dihlatse di bego di dutše di swarwa ka yona nageng ya geno. Go theoša le nywaga, mmušo wa nageng ya geno o be o swara Dihlatse tša Jehofa bjang? Na nageng ya geno go na le tokologo ya bodumedi? Ge e ba go le bjalo, seo se ka ba se le bjalo ka gobane bana beno le dikgaetšedi go theoša le nywagasome ba šomile ka thata “go [lwela] le go [thea] ka molao ditaba tše dibotse.” (Bafil. 1:7) Go sa šetšwe gore o dula kae, go naganišiša ka diphenyo tša dikgorong tša tsheko tša Dihlatse tša Jehofa go ka matlafatša tumelo ya gago kudu. Karolong ye, re tlo ahlaahla tše dingwe tša diphenyo tšeo tše kgahlišago. Diphenyo tšeo di nea bohlatse bjo bogolo bja gore Mmušo wa Modimo ke wa kgonthe, ka gobane re be re ka se kgone go fenya ka borena!

KAROLONG YE

KGAOLO 13

Bagoeledi ba Mmušo ba ya Dikgorong tša Tsheko

Baahlodi ba dikgorong tše dingwe tše di phagamego tša tsheko tša mehleng yeno ba na le pono ya go swana le ya morutiši wa Molao wa mehleng ya bogologolo e lego Gamaliele.

KGAOLO 14

Go Thekga ka Potego Mmušo wa Modimo Feela

“Noka” yeo e swantšhetšago go tlaišwa ga Dihlatse tša Jehofa ka baka la go se tšee ga tšona karolo dipolotiking e ile ya metšwa ke mothopo o sa letelwago.

KGAOLO 15

Go Lwela go Hlankela Jehofa ka Bolokologi

Batho ba Modimo ba lwetše tshwanelo ya go kwa molao—e lego molao wa Mmušo wa Modimo.