Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Lenaneo la 2017 la Kopano ya Selete

Tsebišo go Bao ba Tlilego Kopanong

Tsebišo go Bao ba Tlilego Kopanong

DIBOKA TŠE DI KGETHEGILEGO!

TIRELO YA BETHELE Bagoeledi ba kolobeditšwego bao ba nago le mengwaga e 35 le ya ka tlase ga yeo bao ba ka ratago go hlankela Bethele, ba swanetše go rulaganya gore ka Labohlano thapama ba be gona sebokeng sa bao ba nyakago go hlankela Bethele. Lefelo le nako tša seboka di tla tsebišwa nakong ya lenaneo.

SEKOLO SA BAEBANGEDI BA MMUŠO Babulamadibogo bao ba lego magareng ga mengwaga e 23 le e 65 bao ba ka ratago go oketša tirelo ya bona ba laletšwa go ba gona sebokeng sa bao ba ka thabelago go ya Sekolong sa Baebangedi ba Mmušo seo se tlago go swarwa ka Sontaga thapama. Lefelo le nako tša seboka se di tla tsebišwa nakong ya lenaneo.

 TSEBIŠO GO BAO BA TLILEGO KOPANONG

BAHLOKOMEDI Bahlokomedi ba abetšwe gore ba le thuše. Hle dirišanang le bona ka botlalo ka go latela tlhahlo yeo ba le neago yona mabapi le go phaka dikoloi, go laolwa ga lešaba, go beela ba bangwe madulo le ditabeng tše dingwe.

KOLOBETŠO Ditulo tše di beetšwego bao ba yago kolobetšong di tla ba ka pele ga sethala, ka ntle le ge maemo a ka fetoga ka tsela e itšego. Bao ba yago kolobetšong ba swanetše go ba ba dutše moo pele ga ge polelo ya kolobetšo e ka thoma ka Mokibelo mesong. Yo mongwe le yo mongwe o swanetše go tla le toulo ya gagwe le diaparo tša bothakga tša go tsena ka meetseng.

MENEELO Go dirilwe dithulaganyo tšeo di bakilego ditshenyagalelo tše dikgolo gore go be le madulo a lekanego, tshepedišo ya modumo, metšhene ya go bapala dibidio le ditirelo tše dingwe tše dintši tšeo di dirago gore re ipshine ka kopano le go re thuša go batamela kgauswi le Jehofa. Meneelo ya lena ya boithatelo e thuša go lefelela ditshenyagalelo tše le go thekga modiro wa lefase ka bophara. E le gore le tle le kgone go ntšha meneelo gabonolo, mapokisi a meneelo ao a swailwego ka go bonala a beilwe go dikologa lefelo la kopano. Meneelo ka moka e lebogwa kudu, go sa šetšwe gore ke bokae. Sehlopha se Bušago se leboga meneelo ya lena yeo le e ntšhago ka pelo ka moka go thekga mediro ya Mmušo wa Modimo.

THUŠO YA PELE Hle gopolang gore le ke lefapha la MAEMO A TŠHOGANETŠO FEELA.

LEFELO LA TŠEO DI TIMETŠEGO Dilo ka moka tšeo go sa tsebjego gore ke tša mang di swanetše go išwa Lefapheng la Tšeo di Timetšego. Ge e ba o timeditše selo le ge e le sefe, eya lefapheng le gomme o yo se tšea. Bana bao ba tlogilego go batswadi ba bona gomme ba timela, ba swanetše go išwa lefapheng le. Lega go le bjalo, lefapha le ga se la swanela go lebelelwa e le lefelo la go hlokomela bana. Hle hlokomelang bana ba lena gomme le dule le bona.

MADULO Hle naganelang ba bangwe. Gopola gore madulo a ka beelwa feela ba leloko la kgauswi, bao o sepelago le bona ka koloing, bao ba dulago le wena ka lapeng goba bao o ithutago le bona Beibele. Hle o se ke wa bea dilo madulong ao a lego kgauswi le wena.

TIRELO YA BOITHAOPO Ge e ba o rata go thuša ka modiro le ge e le ofe gore kopano e sepele gabotse, hle eya Lefapheng la Tshedimošo le la Tirelo ya Boithaopo.

E Rulagantšwe ke Sehlopha se Bušago sa Dihlatse tša Jehofa