Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

Lapa la Gago le ka Thaba

 KAROLO 2

Botegelanang

Botegelanang

“Se Modimo a se tlemagantšego jokong go se be le motho yo a se aroganyago.”—Mareka 10:9

Jehofa o nyaka gore re dire dilo “ka potego.” (Psalme 18:25) Se se bohlokwa kudu lenyalong la lena, ka gobane ge go se na potego ga go yo a ka botago yo mongwe. Le gona potego e dira gore lerato le gole.

Lehono, go botega ke bothata lenyalong. E le gore o šireletše lenyalo la gago, o swanetše go ikemišetša go dira dilo tše pedi.

 1 DIRA GORE LENYALO LA GAGO LE TLE PELE

SEO BEIBELE E SE BOLELAGO: “Le kgonthišetše dilo tše bohlokwa kudu.” (Bafilipi 1:10) Lenyalo la gago ke se sengwe sa dilo tše bohlokwa kudu bophelong bja gago. Le swanetše go etišwa pele.

Jehofa o nyaka gore o šetše molekane wa gago gomme le ‘thabele bophelo’ gotee. (Mmoledi 9:9) Jehofa o bolela ka mo go kwagalago gore ga se wa swanela go hlokomologa molekane wa gago, go e na le moo bobedi bja lena le swanetše go tsoma ditsela tšeo le ka thabišanago ka tšona. (1 Bakorinthe 10:24) Dira gore molekane wa gago a ikwe a le bohlokwa gomme a ratwa.

SEO SE KA DIRWAGO:

  • Kgonthišetša gore le fetša nako e ntši le le gotee, gomme o se ke wa hlokomologa molekane wa gago

  • Naganela lena ka bobedi e sego wena feela

 2 ŠIRELETŠA PELO YA GAGO

SEO BEIBELE E SE BOLELAGO: “Yo mongwe le yo mongwe yo a tšwelago pele a lebeletše mosadi e le gore a mo kganyoge o šetše a hlotlotše le yena pelong ya gagwe.” (Mateo 5:28) Ge motho a nagana ka dilo tše di gobogilego, go swana le ge a sa botegele molekane wa gagwe.

Jehofa o re o swanetše go “šireletša pelo ya gago.” (Diema 4:23; Jeremia 17:9) E le gore o dire se, o swanetše go diša mahlo a gago. (Mateo 5:29, 30) Latela mohlala wa mopatriareka Jobo, yo a dirilego kgwerano le mahlo a gagwe gore le ka mohla a se lebelele mosadi yo mongwe ka go mo kganyoga. (Jobo 31:1) Ikemišetše gore o se tsoge o bogetše diswantšho tša batho ba sa aparago. Le gona ikemišetše go phema go ba le tswalano e fošagetšego le motho yo e sego molekane wa gago.

SEO SE KA DIRWAGO:

  • Dira gore batho ba bangwe ba lemoge gore o botegela molekane wa gago ka botlalo

  • Šetša maikwelo a molekane wa gago gomme o kgaotše tswalano le ge e le efe yeo molekane wa gago a sa e thabelego

 

Ithute ka mo go oketšegilego

Go Swara Molekane wa Gago ka Tlhompho

Monna le mosadi ba ka boledišana bjang ka tlhompho?

Kamoo o ka Tiišago Tlemo ya Lenyalo

Na boitlamo bo swana le morwalo goba tshetledi yeo e tiišago lenyalo la gago?