Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

Ditaba tše Dibotse tše di Tšwago go Modimo!

 Thuto 15

Ke ka Baka la Eng o Swanetše go Tšwela Pele o Ithuta?

Ke ka Baka la Eng o Swanetše go Tšwela Pele o Ithuta?

1. Go tšwela pele o ithuta Beibele go tla go hola bjang?

Ga go pelaelo gore go hlahlobja mo ga dithuto tša motheo tša Beibele go matlafaditše lerato la gago la go rata Jehofa. Lerato le le nyaka gore le dule le hlagolelwa. (1 Petro 2:2) Kholofelo ya gago ya bophelo bjo bo sa felego e ithekgile ka go tšwela pele ga gago o batamela kgauswi le Modimo ka go ithuta Lentšu la gagwe.Bala Johane 17:3; Juda 21.

Ge tsebo ya gago ka Modimo e dutše e gola, tumelo ya gago e tla matlafala kudu. Tumelo e tla go thuša go kgahliša Modimo. (Baheberu 11:1, 6) E tla go šušumeletša go itshola le go dira diphetogo tše nago le mohola bophelong bja gago.Bala Ditiro 3:19.

O ka ba le tswalano e kgethegilego le Jehofa

2. Go tseba ga gago Modimo go ka hola ba bangwe bjang?

Ka tlhago, o tla nyaka go bolela le ba bangwe ka seo o ithutilego sona—ka moka ga rena re thabela go bolela ditaba tše dibotse. Ge o tšwela pele o ithuta Beibele, o tla ithuta kamoo o ka dirišago Beibele ka gona go hlalosa tumelo ya gago go Jehofa le ditaba tše dibotse.Bala Baroma 10:13-15.

Batho ba bantši ba thoma ka go bolela ditaba tše dibotse le bagwera ba bona goba ba leloko. Diriša temogo. Go e na le go bolela gore bodumedi bja bona bo fošitše, ba botše ka dikholofetšo tša Modimo. Le gona, gopola gore batho gantši ba kgahlwa kudu ke go bontšha ga gago botho go e na le seo o se bolelago.Bala 2 Timotheo 2:24, 25.

3. O ka ba le tswalano efe le Modimo?

Go ithuta Lentšu la Modimo go tla go thuša go gola moyeng. O ka feleletša ka go ba le tswalano e kgethegilego kudu le Jehofa. Ge e le gabotse o ka ba wa gagwe bjalo ka setho sa lapa la gagwe.Bala 2 Bakorinthe 6:18.

 4. O ka dula o dira tšwelopele bjang?

O ka gola moyeng ka go tšwela pele o ithuta Lentšu la Modimo. (Baheberu 5:13, 14) Kgopela yo mongwe wa Dihlatse tša Jehofa gore a ithute Beibele le wena a diriša puku ya Ke Eng Seo ge e le Gabotse Beibele e se Rutago? Ge o tšwela pele o ithuta Lentšung la Modimo, ke moo bophelo bja gago bo tlago go atlega le go feta.Bala Psalme 1:1-3; 73:27, 28.

Ditaba tše dibotse di tšwa go Jehofa, Modimo yo a thabilego. O ka batamela kgauswi le yena ka go batamela kgauswi le batho ba gagwe. (Baheberu 10:24, 25) Ge o tšwela pele o dira maiteko a go kgahliša Jehofa, o katanela go hwetša bophelo bja kgonthe—bophelo bjo bo sa felego. Go batamela kgauswi le Modimo ruri ke selo se sekaonekaone seo o ka se dirago.Bala 1 Timotheo 1:11; 6:19.

 

Ithute ka mo go oketšegilego

Ke ka Baka la Eng o Swanetše go Ithuta Beibele?

Beibele e nea dikarabo tša dipotšišo tša bohlokwa go batho ba dimillione lefaseng ka bophara. Na o ka rata go ba yo mongwe wa bona?

Batamela Kgaufsi le Modimo ka Thapelo

Na Modimo o a go theetša ge o rapela? Go araba potšišo ye, o swanetše go kwešiša seo Beibele e se rutago ka thapelo.