Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

Ditaba tše Dibotse tše di Tšwago go Modimo!

 Thuto 13

Ditaba tše Dibotse ka Bodumedi ke Dife?

Ditaba tše Dibotse ka Bodumedi ke Dife?

1. Na madumedi ka moka a lokile?

Go na le batho ba botegago madumeding ka moka. Ditaba tše dibotse ke gore Modimo o bona batho ba bjalo gomme o tshwenyega ka bona. Eupša ka manyami, batho ba bangwe ba dirišitše bodumedi bakeng sa merero e mebe. (2 Bakorinthe 4:3, 4; 11:13-15) Go ya ka dipego tša ditaba, madumedi a mangwe e bile a akaretšwa botšhošetšing, dintweng tša molokwanarite, dintweng gotee le go swarweng ga bana gampe. Se se tloga se nyamiša bao ba dumelago go Modimo go tšwa pelong!Bala Mateo 24:3-5, 11, 12.

Gaešita le ge bodumedi bja therešo bo nea Modimo letago, bodumedi bja maaka bjona ga bo mo kgahle. Bo ruta dikgopolo tšeo di sego gona ka Beibeleng, go akaretša le dithuto tša maaka ka Modimo le bahu. Eupša Jehofa o nyaka gore batho ba tsebe therešo ka yena.Bala Hesekiele 18:4; 1 Timotheo 2:3-5.

2. Ditaba tše dibotse ka bodumedi ke dife?

Seo se kgahlišago ke gore Modimo ga a forwe ke madumedi ao a ipolelago gore a a mo rata eupša ge e le gabotse a rata lefase la Sathane. (Jakobo 4:4) Lentšu la Modimo le bitša madumedi ka moka a maaka gore ke “Babilona o Mogolo.” Babilona e be e le motse wa bogologolo woo bodumedi bja maaka bo thomilego go wona ka morago ga Meetsefula a mehleng ya Noa. Kgauswinyane, Modimo o tla fediša gateetee bodumedi bjoo bo forago batho le go ba gatelela.Bala Kutollo 17:1, 2, 5, 16, 17; 18:8.

Go na le ditaba tše oketšegilego tše dibotse. Jehofa ga se a lebala batho ba botegago bao ba gašanego madumeding a maaka lefaseng ka bophara. Ga bjale o kgoboketša batho ba bjalo gore e be batee ka go ba ruta therešo.Bala Mika 4:2, 5.

Bodumedi bja therešo bo dira gore batho e be ba tee

 3. Batho ba botegago ba swanetše go dira eng?

Jehofa o tshwenyega ka batho bao ba ratago therešo le toko. O ba kgothaletša gore ba tlogele bodumedi bja maaka. Batho bao ba ratago Modimo ba ikemišeditše go dira diphetogo e le gore ba mo kgahliše.Bala Kutollo 18:4.

Lekgolong la pele la nywaga, ge batho ba botegago ba be ba ekwa ditaba tše dibotse go baapostola, ba ile ba arabela ka lethabo. Ba ile ba ithuta tsela e mpsha ya bophelo go Jehofa, e lego tsela e thabišago kudu ya bophelo yeo e nago le morero le kholofelo. Ke mohlala o mobotse bakeng sa rena lehono ka gobane ba ile ba arabela ditabeng tše dibotse ka go etiša Jehofa pele maphelong a bona.Bala 1 Bathesalonika 1:8, 9; 2:13.

Jehofa o amogela bao ba furalelago bodumedi bja maaka lapeng la gagwe la borapedi. Ge e ba o amogela taletšo ya Jehofa e borutho, o tla ba mogwera wa gagwe, wa amogelwa lapeng le lefsa le nago le lerato la barapedi ba Jehofa, gotee le go hwetša bophelo bjo bo sa felego.Bala Mareka 10:29, 30; 2 Bakorinthe 6:17, 18.

4. Modimo o tla tliša lethabo lefaseng ka moka bjang?

Kahlolo yeo e tlelago bodumedi bja maaka ke ditaba tše dibotse. E tla imolla lefase ka moka kgatelelong. Le ka mohla bodumedi bja maaka bo ka se sa timetša le go aroganya batho. Batho bohle bao ba phelago e tla ba batee borapeding bja Modimo a nnoši wa therešo.Bala Kutollo 18:20, 21; 21:3, 4.

 

Ithute ka mo go oketšegilego

Borapedi Bjoo Modimo a bo Amogelago

Hlahloba ditsela tše tshelelago tšeo di hlaolago bodumedi feela bjo Modimo a bo amogelago.

Emela Borapedi bja Therešo ka go Tia

Ke ditlhohlo dife tšeo o ka lebeletšanago le tšona ge o boledišana ka ditumelo tša gago go ba bangwe? O ka dira bjang se ntle le go ba kgopiša?