Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Ditaba tše Dibotse tše di Tšwago go Modimo!

 Thuto 3

Na ruri Ditaba tše Dibotse di tšwa go Modimo?

Na ruri Ditaba tše Dibotse di tšwa go Modimo?

1. Mongwadi wa Beibele ke mang?

Ditaba tše dibotse tša gore batho ba tla phela ka mo go sa felego lefaseng di ngwadilwe ka Beibeleng. (Psalme 37:29) Beibele e bopša ke dipuku tše 66 tše dinyenyane. Modimo o dirišitše banna ba e ka bago ba 40 ba botegago gore ba di ngwale. Tše hlano tša mathomo di ngwadilwe ke Moshe nywageng e ka bago e 3 500 e fetilego. Ya mafelelo e ngwadilwe ke moapostola Johane nywageng ya ka godimo ga e 1 900 e fetilego. Bangwadi ba Beibele ba ngwadile dikgopolo tša mang? Modimo o ikgokagantše le bangwadi ba Beibele ka moya wa gagwe o mokgethwa. (2 Samuele 23:2) Ba ngwadile dikgopolo tša Modimo, e sego tša bona. Ka baka leo, Jehofa ke Mongwadi wa Beibele.Bala 2 Timotheo 3:16; 2 Petro 1:20, 21.

2. Re ka kgonthišega bjang gore Beibele e bolela therešo?

Re tseba gore Beibele e tšwa go Modimo ka gobane e bolela bokamoso e sa le pele ka nepo. Ga go motho yoo a ka dirago bjalo. (Joshua 23:14) Ke Modimo Ramatlaohle feela yo a ka bonago bokamoso bja batho e sa le pele ka nepo.Bala Jesaya 42:9; 46:10.

Re ka letela gore puku e tšwago go Modimo e be ya moswananoši, gomme e bjalo. Go phatlaladitšwe dikopi tše dimilione tše dikete tša Beibele ka maleme a makgolo. Gaešita le ge e le puku ya bogologolo, Beibele e dumelelana le thutamahlale yeo e hlatsetšwego. Le gona, bangwadi ba yona ba 40 ga ba ganetšane. * Go feta moo, Beibele e bonagatša gabotse lerato la Modimo, gomme e sa dutše e ena le matla a go kaonefatša maphelo a batho. Mabaka a a kgodiša batho ba dimilione gore Beibele ke Lentšu la Modimo.Bala 1 Bathesalonika 2:13.

 3. Beibele e hupere eng?

Beibele e lebiša tlhokomelo go ditaba tše dibotse tša gore Modimo o na le morero o lerato ka batho. Mangwalo a hlalosa kamoo motho a ilego a lahlegelwa ke tokelo ya go dula lefaseng la paradeise le kamoo paradeise e tlago go tsošološwa ka gona mafelelong.Bala Kutollo 21:4, 5.

Lentšu la Modimo gape le hupere melao, melao ya motheo le keletšo. Go oketša moo, Beibele e bega histori ya ditirišano tša Modimo le batho—histori yeo e utollago semelo sa Modimo. Ka baka leo, Beibele e ka go thuša go tseba Modimo. E hlalosa kamoo o ka bago mogwera wa gagwe ka gona.Bala Psalme 19:7, 11; Jakobo 2:23; 4:8.

4. O ka kwešiša Beibele bjang?

Poroutšha ye e tla go thuša go kwešiša Beibele ka go diriša mokgwa woo Jesu a bego a o diriša. O be a bolela ka ditemana tše dintši tša Beibele gomme a hlalosa “seo se bolelwago ke Mangwalo.”Bala Luka 24:27, 45.

Ke dilo tše sego kae tšeo di kgahlišago go swana le ditaba tše dibotse tše tšwago go Modimo. Eupša batho ba bangwe ga ba di rate, gomme ba bangwe di a ba tena. O se ke wa nyama. Kholofelo ya gago ya go phela ka mo go sa felego e ithekgile ka gore o tsebe Modimo.Bala Johane 17:3.

 

^ par. 3 Bona poroutšha ya Puku ya Batho ka Moka.

Ithute ka mo go Oketšegilego

DITABA TŠE DIBOTSE TŠE DI TŠWAGO GO MODIMO!

Na Beibele e Bolela Therešo?

Ge eba Beibele e ngwadilwe ke Modimo, e swanetše go ba puku ya moswananoši yeo e kilego ya ngwalwa.

Ke Eng Seo ge e le Gabotse Beibele e se Rutago?

Beibele—Puku e Tšwago go Modimo

Beibele e ka go thuša bjang gore o lebeletšane le mathata a motho ka noši? Ke ka baka la’ng o swanetše go bota diporofeto tša yona?

Ke Eng Seo ge e le Gabotse Beibele e se Rutago?

Therešo ke Efe ka Modimo?

Na o nagana gore Modimo o tshwenyegile ka wena? Ithute ka semelo sa gagwe le kamoo o ka batamelago kgaufsi le yena.